ސޯޝަލް މީޑިއާގައި ރައީސް ޑރ. މުހައްމަދު މުއިއްޒު އަވަހާރަކޮށްލާނެ ކަމަށް ބުނެ އިންޒާރު ދިން މައްސަލައެއް ފުލުހުން ތަހުގީގު ކުރަން ފަށައިފި އެވެ.
ފުލުހުންގެ ތަރުޖަމާނު އަދި އެސިސްޓަންޓް ކޮމިޝަނަރު އަހުމަދު ޝިފާން ވިދާޅުވީ، ރައީސް މުއިއްޒުއާ ދެކޮޅަށް ނުރައްކާތެރި އިންޒާރުތަކެއް ދިން މައްސަލަ ފުލުހުން ބަލަން ފަށާފައިވާ ކަމަށެވެ.
ރައީސް "މަރާލާނެ" ކަަމަށް ބުނެ ފޭސްބުކް މެދުވެރިކޮށް އިންޒާރު ދީފައިވާއިރު، ރައީސް މިވަގުތު ހުންނެވީ އދގެ އާންމު މަޖިލީހުގެ 79 ވަނަ ސެޝަންގައި ބައިވެރިވެވަޑައިގަތުމަށް އެމެރިކާގެ ނިއުޔޯކްގަ އެވެ.