އެކްސިޑެންޓެއްގައި ބޮޑެތި ގެއްލުންތަކެއްވެ، ފަރުވާ ހޯދަމުން އަންނަ މީހަކަށް މާލީ އެހީތެރިކަން ފޯރުކޮށް ދިނުމަށްޓަކައި ފައިސާ އެއްކުރަން މާދަމާ އައްޑޫގެ ތިން އަވަށެއްގެ މިސްކިތްތަކެއްގައި ފަންޑްފޮށި ބަހައްޓަން ނިންމައިފި އެވެ.
މި އަހަރުގެ މެދުތެރޭގައި ހިނގި އެކްސިޑެންޓެއްގައި ސިކުނޑި އަށް ގެއްލުންތަލެއް ލިބުނު މަރަދޫފޭދޫ ދިލާސާ މަރިޔަމް މުނައްވަރާ އަށް އެހީ ހޯދަން ހުކުރު ވަގުތާ ދިމާކޮށް މާދަމާ ފަންޑްފޮށި ބަހައްޓަން ހަމަޖެހިފައިވާ މިސްކިތްތަކަކީ މަރަދޫފޭދޫ މަސްޖިދުއް ނޫރު އާއި މަސްޖިދުއް ތަގުވާ އާއި ފޭދޫ މަސްޖިދުލް އަމާނީ އާއި މަސްޖިދުލް ކައުސަރުގެ އިތުރުން މަރަދޫ މަސްޖިދުލް އިހްލާސް އެވެ.
މި ފަންޑް ރެއިޒިން އިންތިޒާމު ކުރަނީ މަރަދޫފޭދޫ އަވަށު އޮފީހާއި ފޭދޫ މިޝްކާރު ފައުންޑޭޝަން ގުޅިގެންނެވެ.
މި މިސްކިތްތަކުގައި ފަންޑްފޮށިތަކަށް ފައިސާ ހަދިޔާ ކުރުމުގެ އިތުރަށް ފައިސާ ޓްރާންސްފާ ވެސް ކުރެވިދާނެ އެވެ. އެގޮތުން މިޝްކާތު ފައުންޑޭޝަންގެ ބޭންކް އޮފް މޯލްޑިވްސްގެ ރުފިޔާ އެކައުންޓާއި ޑޮލަރު އެކައުންޓަށް ފައިސާ ޓްރާންސްފާ ކުރެވޭނެ އެވެ.
ރުފިޔާ އެކައުންޓް ނަމްބަރަކީ 7770000075525
ޑޮލަރު އެކައުންޓް ނަމްބަރަކީ 7770000075526
މުނައްވަރާ އަށް އެހިވާން ފަންޑް ހޯދުމުގެ ހަރަކާތްތަކެއް ހިންގަން ނިންމި އިރު، އެކްސިޑެންޓްގައި އޭނަގެ ސިކުނޑި ލިބުނު ޓްރޯމެޓިމް އިންޖަރީއަކާ ގުޅިގެން އަންނަނީ ފަރުވާ ހޯދަމުންނެވެ. އަދި އާސަންދަ އާއި އެންސްޕްއިން ބޭސް ފަރުވާގެ ހަރަދު ހަމަޖައްސައި ދިން ނަމަވެސް 108،529.70ރ. ބިލްތައް ދެއްކުމަށް އާއިލާ އަށް ނުކުޅެދުމުގެ ސަބަބުން ހޮސްޕިޓަލް ޑިސްޗާޖްކުރަން ދަތިތަކާ ކުރިމަތިވެފައިވެ އެވެ.
އެހެންވެ އާންމުންގެ ފަރާތުން ފަންޑް ހޯދަން ނިންމީ އެ ބިލްތައް ދެއްކުމަށް ކަމަށް ފަންޑް ރެއިޒިން އިންތިޒާމުކުރާ ފަރާތުން ބުންޏެވެ.
މުނައްވަރާ އެކްސިޑެންޓްވީ މިދިޔަ ޖޫން މަހުގެ 5 ވަނަ ދުވަހު އެވެ. އޭނަ އެކްސިޑެންޓްވީ އެ ދުވަހު ދަރިފުޅު ގޮވައިގެން ސްކޫލަށް ސައިކަލުގައި ދަނިކޮށް ވެއްޓި އެވެ.