ފެނަކަ ކޯޕަރޭޝަންގެ އައްޑޫ މަރަދޫފޭދޫ ބްރާންޗުން ފައިސާތަކެއް ގެއްލުނު މައްސަލަ ބަލަމުން އަންނަ ކަމަށް އެ ކުންފުނިން ބުނެފި އެވެ.
މައްސަލަ ބަލަމުން އަންނަކްމަ ފެނަކައިގެ މީޑިއާ އޮފިޝަލް "އައްޑޫ ލައިވް" އަށް މިއަދު ކަށަވަރުކޮށް ދެއްވި ނަމަވެސް އެކަމާ ގުޅޭ އިތުރު އެއްވެސް ތަފުސީލެއް ނުދެއްވަ އެވެ. އެހެންވެ މަރަދޫފޭދޫ ބްރާންޗުން ގެއްލުނީ ސީދާ ކިހާ އަދަދެއްގެ ފައިސާއެއްކަމާއި އެކަމާ ގުޅިގެން މިހާތަނަށް އެެއްވެސް މުވައްޒަފަކަށް ފިޔަވަޅެއް އެޅިކަމެއް ނޭނގެ އެވެ.
އެނގިފައިވާ ގޮތުގައި މިހާރު މަރަދޫގައި ވަގުތީ ގޮތުން ހިންގަމުން އަންނަ މަރަދޫފޭދޫ ބްރާންޗުން 400،000 އަށް ވުރެ ގިނަ ރުފިޔާ ގެއްލިފައިވެ އެވެ.
އެ މައްސަލަ ފެންމަތިވީ މި ހަފުތާގެ ތެރޭގަ އެވެ.
ފެނަކައިގެ މަރަދޫފޭދޫ ބްރާންޗް މަރަދޫގައި ވަގުތީ ގޮތުން މަރަދޫގައި ހިންގަމުން އަންނަނީ 2021 އިން ފެށިގެންނެވެ.