އިސްލާމިކް މިނިސްޓްރީ އާއި ގައުމީ ޔުނިވާސިޓީއާއި ދެމެދު އެއްބަސްވުމެއްގައި އިއްޔެ ސޮއިކޮށްފި އެވެ.
އެކި ދާއިރާތަކުން އެހީތެރިކަމާއި އެއްބާރުލުން ފޯރުކޮށް ދިނުމާ ގުޅޭ ގޮތުން ހެދި އެއްބަސްވުމުގައި ނެވެ. މި އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. މުޙައްމަދު ޝަހީމް އަލީ ސައީދެވެ. އެމްއެންޔޫގެ ފަރާތުން ސޮއި ކުރެއްވީ ވައިސް ޗާންސެލަރު ޑރ. އައިޝަތު ޝެހެނާޒު އާދަމެވެ.
ޝަހީމު ވިދާޅުވީ، ޤައުމީ ޔުނިވާސިޓީން ދިވެހިންނަށް ތަޢުލީމީ މަތީ ހަރުފަތަކަށް ގެންދިއުމަށް ކުރައްވަމުން ގެންދަވާ މަސައްކަތްތަކަކީ ވަރަށް އަގުހުރި މަސައްކަތްތަކެއް ކަމަށާއި އެކަންކަމުގައި މިނިސްޓްރީގެ ފަރާތުން ދެވެން ހުރި އެއްބާރުލުމެއް ދެމުން ގެންދާނެ ކަމަށެވެ.
އެގޮތުން އެމްއެންޔޫ އަށް ސްކޮލަޝިޕްގެ ފުރުސަތުތައް ހޯދައި ދެއްވުމަށް ވެސް މިނިސްޓްރީން މަސައްކަތް ކުރައްވާނެ ކަމަށް ވިދާޅުވި އެވެ.
ޝެހެނާޒު ވިދާޅުވީ އެއްބަސްވުމުގެ ތެރެއިން ޔުނިވާސިޓީގެ ދަރިވަރުންނަށާއި ޢިލްމުވެރިންނަށް އާ ދޮރުތަކެއް ހުޅުވި، މުޖުތަމަޢަށް އެހީތެރިންކަން ފޯރުކޮށް ދިނުމަށް ފުރުސަތު ފަހިވާނެ ކަމަށެވެ.