ކެނަބިސް ޓްރެފިކްކުރި މައްސަލައަކާ ގުޅިގެން އައްޑޫ ހިތަދޫ މުހައްމަދު އުބާދަތު ހުސައިން ހޯދަން ފުލުހުން ހަ ވަނަ ފަހަރަށް އިއުލާންކޮށްފި އެވެ.
ހިތަދޫ ހަޒާރުމާގޭ އުބާދަތު، 29، ހޯދަން މިއަދު އަލުން އިއުލާންކުރި އިރު، އެންމެ ފަހުން އޭނަ ހޯދަން އެންމެ ފަހުން އިއުލާންކުރީ މިދިޔަ މަހުގެ 18 ގަ އެވެ. އުބާދަތު ހޯދަން ފުލުުހުން ފުރަތަމަ އިއުލާންކުރީ މެއި މަހުގެ 12 ގަ އެވެ.
ފުލުހުން ބުނީ އުބާދަތު ހޯދަނީ ކްރިމިނަލް ކޯޓަށް ހުށަހަޅާފައިވާ ކެނެބިސް ޓްރެފިކް ކުރުމުގެ މައްސަލައަކާ ގުޅިގެން ކޯޓަށް ހާޒިރުކުރުމަށް ބޭނުންވެ ހާޒިރުކުރެވިފައި ނުވާތީ، ބަންދުގައި ބަހައްޓައިގެނ މި މަހުގެ 30 ވަނަ ދުވަހުގެ ހެނދުނު 9:00 އަށް ކްރިމިނަލް ކޯޓްގެ ހުޅުމާލެ ޑިވިޝަންނަށް ހާޒިރުކޮށް ދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން ކަމަށެވެ.
އެހެންވެ އޭނައާ ބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި ހިއްސާކޮށް ދޭން ފުލުހުން އެދިފައިވެ އެވެ.