އައްޑޫގެ އަންހެނުންގެ ތަރައްގީ އަށް މަސައްކަތް ކުރާ ކޮމިޓީން އިންތިޒާމުކޮށްގެން އަންނަ މަހު "އަފިރިންގެ އެކްސްޕޯ" ގެ ނަމުގައި އެކްސްޕޯއެއް ބާއްވަން ތައްޔާރުވެއްޖެ އެވެެ.
މި ހަރަކާތް ކުރިއަށް ދާނީ އަންނަ މަހުގެ 3-5 އަށް ހިތަދޫ ނޫރާނީ ސްކޫލްގަ އެވެ.
އައްޑޫގެ އަންހެނުންގެ ކޮމިޓީން ބުނީ "އަފިރިންގެ އެކްސްޕޯ" ގެ ބޭނުމަކީ އައްޑޫގެ މަސައްކަތްތެރިންގެ މަސައްކަތްތަކާއި އުފެއްދުންތައް އެއް ތާކުން ދައްކާލައި، އުފެއްދުންތަކަށް މާކެޓެއް ހޯދައި ދިނުން ކަމަށެވެ. އެހެންވެ އެކްސްޕޯ އިން އަމިއްލަ މީސްމީހުން ތައްޔާރުކުރާ ގިނަ ބާވަތްތަކުގެ އުފެއްދުންތައް ގަންނަން ލިބޭނެ އެވެ.
އަންހެނުންގެ ކޮމިޓީން ވަނީ ވީހާ ވެސް ގިނަ ބަޔަކު މި އެކްސްޕޯ އަށް ޒިޔާރަތްކުރަން އެދިފަ އެވެ.
"އަފިރިންގެ އެކްސްޕޯ" ގައި ބައިވެރިވާން ބޭނުންވާ ފަރާތްތަކަށް އަދިވެސް އޮތީ އެ ފުރުސަތު ވެސް ހުޅުވާލައިފަ އެވެ.