ޔޫއެސްއެއިޑިުން ރާއްޖެއަށް 4.4 މިލިއަން ޑޮލަރުގެ އެހީއެއް ދޭން ނިންމައިފި އެވެ.
އެކަން އިއުލާންކުރީ އދ. ގެ 79 ވަނަ އާންމު ޖަލްސާގެ ހަވާސާގެ އިވެންޓެއްގެ ގޮތުގައި ބޭއްވި "ޑިމޮކްރަސީ ޑެލިވާސް" ގައި ޔޫއެސްއެއިޑުން ބޭއްވި އިވެންޓެއްގައި ޔޫއެސްއެއިޑުގެ އެޑްމިނިސްޓްރޭޓަރު ސަމަންތާ ޕަވާ އެވެ.
އެ އިވެންޓުގައި ރާއްޖޭގެ ފަރާތުން ބައިވެރިވެވަޑައިގެންނެވީ ރާއްޖެއިން އދ. އަށް ކަނޑައަޅުއްވާފައި ހުންނަވާ ދާއިމީ މަންދޫބު ޑރ. އަލީ ނަސީރު މުހައްމަެވެ.
ޔޫއެސްއެއިޑުން ނެރުނު ބަޔާނެއްގައި ބުނީ ރާއްޖޭގެ މީޑިއާ ލިޓްރަސީ ޕްރޮގްރާމްތައް ހަރުދަނާކޮށް، މައުލޫމާތު ފޯރުކޮ ށްދިނުމަށް ބޭނުންވާ ވަސީލަތްތައް ފޯރުކޮށް ދިނުމަށް ތިން މިލިއަން ޑޮލަރުގެ އެހީ އަދި ޑިމޮކްރަސީ ހަރުދަނާ ކުރުމަށް 1.4 މިލިއަން ޑޮލަރުގެ އެހީ ދޭން ނިންމާފައިވާ ކަމަށެވެ. އަދި ރާއްޖެއަށް އެހެނިހެން ދާއިރާތަކުން ވެސް ޔޫއެސްއެއިޑުން މުސްތަގުބަލުގައި އެހީތެރިކަން ފޯރުކޮށްދީ އެކި ވަސީލަތް ތައް ފޯރުކޮށް ދިނުމަށް ހަމަޖެހިފައިވާ ކަމަށް ވެސްބަޔާނުގައި ބުންޏެވެ.
ރައީސް ޑރ. މުހައްމަދު އދ. ގެ އާންމު ޖަލްސާއަށް ވަޑައިގެން، ސަމަންތާ ޕަވާ އާ ބައްދަލުކުރައްވައި ރާއްޖެއާއި ޔޫއެސްއެއިޑާއި ދެމެދު އޮތް ގުޅުން ބަދަހިކުރުމާއި ދެ ފަރާތުގެ މަސްލަހަތު ހިމެނޭ ކަންކަމުގައި އެކުގައި މަސައްކަތް ކުރުމަށް މަޝްވަރާ ކުރެއްވި އެވެ.
ޔޫއެސްއެއިޑަކީ މީގެ ކުރިން ވެސް ރާއްޖެ އަށް އެހީވެފައިވާ އޭޖެންސީއެކެވެ.