ކެންސަރު ބައްޔާ ގުޅޭގޮތުން ރާއްޖޭގައި ގައުމީ ފެންވަރުގެ ދިރާސާއެއް ހަދަންޖެހޭ ކަމަށް ކުރީގެ ޓޫރިޒަމް މިނިސްޓަރު އަލީ ވަހީދު ވިދާޅުވެއްޖެ އެެވެ.
ކުރިން މަޖިލީހުގެ މެންވަރުކަން ވެސް ކުރެއްވި އަލީ ސޯޝަލް މީޑިއާ ޕޯސްޓެއްގައި ވިދާޅުވީ ރާއްޖޭގައި ކެންސަރު ބަލީގެ ހާލަތު އޮތް މިންވަރާ މެދު ކުރެވޭ ހީތަކާއި ޚިޔާލުތަކުގެ ބަދަލުގައި ފެކްޓް ބޭސް ނިއްމުންތަކެއް ގައުމީ ފެންވަރުގައި ނިއްމަން ޖެހޭ ކަމަށެވެ.
"ކެންސަރުގެ ހިތާމައިގައި ނުޖެހޭ އާއިލާއެއް މިއަދު މަދު. އެންމެން އެކުގައި މިކަމަށް ހޭލުންތެރިވާން ޖެހޭ." އޭނަ ވަހީދު ވިދާޅުވިއެވެ.
ކެންސަރަކީ ބޮޑެތި ބަލިތަކުގެ ތެރެއިން ރާއްޖޭގައި މިހާރު އެންމެ އާންމު ބައްޔެވެ. އެގޮތުން އެ ބަލީގައި އަހަރަކު މަރުވާ މީހުންގެ ނިސްބަތް 17 ޕަސެންޓަށް އަރަ އެވެ.
އެހެންވެ ކެންސަރު ވެސް ހިމެނޭ ގޮތަށް ގައިންގަޔަށް ނާރާ ބަލިތަކުގެ ދިރާސާއެެއް ހަދަން ހަމަޖެހިފައިވާ ކަމަށް މިދިޔަ މެއި މަހުގެ ތެެރޭގައި ހެލްތު މިނިސްޓަރު ޑރ. އަބްދުﷲ ހަލީލު ވިދާޅުވި އެވެ. އޭނަ ވިދާޅުވީ މިކަމަށް ޑަބްލިއުއެޗްއޯގައި ވެސް އެދިފައިވާ ކަމަށެވެ.
ރާއްޖޭގައި ކެންސަރަށް ހޮސްޕިޓަލެއް ހަދަން ވެސް އޮތީ ނިންމައިފަ އެވެ.