އެމްޑީޕީގެ ބައެއް މަޤާމުތަކަށް ކުރިމަތިލުމުގެ ފުރސަތު އެ ޕާޓީން އަލުން ހުޅުވާލައިފި އެވެ.
އެމްޑީޕީން ކުރި އިއުލާނެއްގައި ބުނީ އަލުން މި ފުރުސަތު އަންހެނުންގެ ރޫހުގެ ހިންގާ ކޮމިޓީ އާއި ޒުވާނުންގެ ހިތްވަރުގެ ހިންގާ ކޮމިޓީގެ އިތުރުން އަދި ދެ ދާއިރާއެއްގެ ނައިބު ރައީސްގެ މަގާމަށް ކަމަށެވެ.
އެ މަގާމުތަކަށް ކުރިމަތިލުމުގެ ސުންގަޑިއަކީ ހަމަވާނީ އަންނަ މަހުގެ 3 ގެ މެންދުރު ފަހު 2:00 އަށެވެ.
އަންހެނުންގެ ރޫހުގެ ހިންގާ ކޮމިޓީއަށް ކޮންމެ ސިޓީއަކުންނާއި އަތޮޅަކުން މެންބަރެއް ހޮވުމަށް ކުރިން އިޢުލާން ކުރެވުނު ނަމަވެސް، ބައެއް ސިޓީތަކާއި އަތޮޅުތަކުން އަދިވެސް ކުރިމަތިލާފައި ނުވާތީ، އެ ފުރުސަތު އަލުން ހުޅުވާލީ ކަމަށް އެމްޑީޕީން ބުންޏެވެ.
މީގެ އިތުރުން، ޒުވާނުންގެ ހިތްވަރުގެ ހިންގާ ކޮމިޓީއަށް ވެސް ކޮންމެ ސިޓީއަކުންނާއި އަތޮޅަކުން މެންބަރެއް ހޮވުމަށް ހަމަޖެމަޖެހިފައިވެ އެވެ. ނައިބު ރައީސް ކަމަށް ހުޅުވާލި ދެ ދާއިރާ އަކީ ހެންވޭރު ދެކުނު ދާއިރާ އާއި ހުޅުމާލެ އުތުރު ދާއިރާ އެވެ.