ކުޑަކުދިންނަށް ހާއްސަކޮށްގެން އުފެއްދި "ރޮބޯމޭން: ދަ މޫވީ" އިއްޔެ ހަވީރު އޮލިމްޕަހުގައި ޕްރީމިއާކޮށްފި އެވެ.
ކުލަގަދަ ރެޑް ކާޕެޓް އިވެންޓަކާ އެކީ ފިލްމު ޕްރީމިއާކުރުމާ އެކީ އަންނަ މަހުގެ 5 އާ ހަމައަށް ފިލްމުގެ ޝޯތައް އޮލިމްޕަހުގައި ދައްކާނެ އެވެ.
"ރޮބޯމޭން: ދަ މޫވީ" ރާއްޖޭގެ ކުޑަކުދިންގެ މެދުގައި މަގުބޫލު ކެރެކްޓާއެެއް ކަމަށްވާ ރޮބޯމޭން ހިމަނައިގެން އަދި ނެށުމުގެ މުބާރާތެއް ކާމިޔާބުކުރަން ކުޑަ ދެ އަންހެން ކުއްޖަލު ކުރާ ބުތަ މަސައްކަތްތަކެއް ދައްކުވައިދޭ ފިލްމެކެވެ. މަހުދީ އަހުމަދުގެ ސްކްރީންޕްލޭއަކަށް ހެދި ފިލްމުގެ ޑައިރެކްޓަރަކީ އިބްރާހީމް ވިސާން (ކަނޑި) އެވެ.
ގިނަ އާ މޫނިތަކެއް ފެނިގެންދާ "ރޮބޯމޭން: ދަ މޫވީ" ގެ ކާސްޓްގައި މަޝްހޫރު ތަރިން ކަމަށްވާ މަރިޔަމް އައްޒަ އާއި ރަވީ ފާރޫގް ވެސް ހިމެނެ އެވެ.
މި ފިލްމު އިއްޔެ ޕްރީމިއާކުރުމާ ގުޅިގެން ރަށްރަށުގައި ފިލްމު އަޅުވަން ޝައުގުވެރިވާ ރަށްރަށަށް އެ ފުރުސަތު ވެސް މިހާރު އޮތޯ ހުޅުވާލައިފަ އެވެ.