"ހޮލީވުޑް ވޯކް އޮފް ފޭމް" ގެ ޝަރަފު ލިބުނު ފުރަތަމަ ސުޕަަހީރޯ ކެރެކްޓާގެ މަގާމު ބެޓްމޭން އަށް ލިބިއްޖެ އެވެ.
އެގޮތުން ޑީސީގެ އެ ކެރެކްޓާގެ ތަރި ކެލިފޯނިއާގައި ދައްކައިލީ އިއްޔެ އެވެ. އެކަމަށް ބޭއްވި ރަސްމިއްޔާތުގައި ހޮލީވުޑް ޗެމްބާ އޮފް ކޮމާސްގެ ރައީސް/ސީއީއޯ ސްޓީވް ނިސެން އާއި ޑީސީގެ ރައީސް ޖިމް ލީ ވެސް ބައިވެރިވެވަޑައިގަތެވެ.
"ބެޓްމޭން" އަށް ލިބުނު މި ޝަރަފާ އެކީ އެކަން މިހާރު ވަނީ ދުނިޔޭގެ ރެކޯޑް ފޮތަށް ވެސް އަރައިފަ އެވެ. އެންމެ ހޮލީވުޑަށް ހިދުމަތް ކުރާ ފަންނާނުންނަށް ޝަރަފެއްގެ ގޮތުގައި ދޭ "ވޯކް އޮފް ފޭމް" ގެ މަގާމު ލިބުނު ފުރަތަމަ ސުޕަހީރޯ ކެރެކްޓާގެ ގޮތުގަ އެވެ.
ޑީސީގެ ކޮމިކްތަކަށް ބެޓްމޭން ކެރެކްޓާ އުފަންވީ 1939 ގައި ނެރުނު "ޑިޓެކްޓިވް ކޮމިކްސް #27" އިންނެވެ. އެ ކެރެކްޓާގެ މޭސްތިރިންނަކީ ބޮބް ކޭން އާއި ބިލް ފިންގާ އެވެ.
އެންމެ މަޝްހޫރު ސުޕަހީރޯ ކެރެކްޓާތަކުގެ ތެރޭގައި ހިމެނޭ ބެޓްމޭންގެ އެތައް ފިލްމަކާއި ސީރީޒްތަކާއި ވީޑިއޯގޭމްތަކެއް މިހާތަނަށް ނެރެފައިވެ އެވެ.