ސްވިޓްޒަލޭންޑްގެ މަޝްހޫރު ހޮސްޕިޓާލިޓީ ކުންފުނި، އަމަން ގްރޫޕް ސާލްގެ ރިސޯޓެއް މުޅިން އަލަށް ރާއްޖޭގައި ހުޅުވަން ތައްޔާރުވާން ފަށައިފި އެވެ.
ވ. އަތޮޅުގައި ތަރައްގީ ކުރަމުން އަންނަ މަތީ ފަންތީގެ މި ރިސޯޓަކީ 16 ރެސިޑެންސް ވިލާގެ ތަނެކެވެ. އެންމެ މި ޒަމާނީ ފެންވަރަށް އަދި ޓޫރިސްޓުންނަށް ބޭނުންވާނެ ހުރިހާ ހިދުމަތްތަކެއް އެންމެ މަތީ ފަންތީގައި ދެވޭނެ ވަސީލަތްތައް އެކުލެވޭ ގޮތަށް ތަރައްގީ ކުރާ "އަމަން މޯލްޑިވްސް" ހުޅުވާނެ އިރެއް އަދި އިއުލާނެއް ނުކުރެ އެވެ.
ނަމަވެސް އެތަނުގެ މަސައްކަތް ބާރަށް ކުރިއަށްދާ ކަމަށް އަމަން ގްރޫޕުން ބުންޏެވެ.
އެ ކުންފުނީގެ ޗެއާމަން އަދި ޗީފް އެގްޒެކެޓިވް ވިލާޑް ޑްރޯނިން ވިދާޅުވީ އަމަން ބްރޭންްޑްގެ ރިސޯޓެއް ރާއްޖޭގައި ހުޅުވިގެން ދިއުމަކީ ރާއްޖެ އަންނަ ޓޫރިސްޓުންނަށް އަނެއްކާ ވެސް ތަފާތު ތަޖުރިބާއެއް ލިބޭނެ ކަމެއް ކަމަށާއި މިއީ ރާއްޖޭގެ ޓޫރިޒަމަށް ވެސް ލިބޭނެ އިތުރު ކުރިއެރުމެއް ކަމަށެވެ.
"އަމަން މޯލްޑިވްސް" ތަރައްގީ ކުރުމުގެ މަސައްކަތް ކުރިއަށްދާ އިރު، އަމަން ގްރޫޕުން ބުނީ ރިސޯޓް ހުޅުވާނެ ތާރީހެއް ލަސްތަކެއް ނުކޮށް އިއުލާން ކުރާނެ ކަމަށެވެ. މި ރިސޯޓް ވާނީ އެ ކުންފުނީގެ 21 ވަނަ ރިސޯޓަށ