ރައީސް ޑރ. މުހައްމަދު މުއިއްޒު، ބަންގްލަދޭޝްގެ ވަގުތީ ސަރުކާރުގެ ވެރިޔާ މުހައްމަދު ޔޫނުސްއާ މިއަދު ބައްދަލުކުރައްވައިފި އެވެ.
މި ބައްދަލުވުން އޮތީ އދ.ގެ އާންމު މަޖިލީހުގެ 79 ވަނަ ސެޝަންގެ ހަވާސާގަ އެވެ.
މި ބައްދަލުވުމުގައި ދެ ބޭފުޅުން ވެސް ވަނީ މުހިއްމު އެކި ދާއިރާތަކުން ގުޅުން ބަދަހިކުރުމާއި ގުޅޭގޮތުން މަޝްވަރާކުރައްވާފަ އެވެ. އަދި ދިވެހި ދަރިވަރުންނަށް ބަންގްލަދޭޝް އިން ތައުލީމުގެ ފުރުސަތުތައް އިތުރުކޮށްދިނުމަށާއި އަދި މެޑިކަލް ދަރިވަރުންނަށް އިންޓާންޝިޕްގެ ފުރުސަތުތައް ފަހިކޮށްދިނުމުގެ މުހިއްމުކަން މި ބައްދަލުވުމުގައި ރައީސް ފާހަގަކުރެއްވި އެވެ.
މީގެއިތުރުން ދެ ބޭފުޅުން ވަނީ ދެ ޤައުމުން އިސްކަންދޭ މުހިންމު ދާއިރާތަކުގައި ގުޅިގެން މަސައްކަތްކުރެއްވުމާއި ދެ ޤައުމުގެ ސިޔާސީ އަދި އިސްތިރާޖީ ގުޅުންތައް އިތުރަށް ކުރިޔަށް ގެންދިއުމަށް މަސައްކަތް ކުރައްވާނެ ކަމަށްވެސް ވިދާޅުވެފަ އެވެ.