މި އަހަރުގެ ކުރީކޮޅު އަމަލީ މަސައްކަތް ފެށިި ކަމަށް އެޑިއުކޭޝަން މިނިސްޓްރީން އިއުލާންކުރި މާލޭގެ އަރަބިއްޔާ ސްކޫލްގެ އާ އިމާރާތުގެ އެއްބަސްވުން ބާތިލުކޮށްފި އެވެ.
މިކަމާ ގުޅޭ ގޮތުން ރަސްމީކޮށް މިނިސްޓްރީން އަދި ވަކި އެއްޗެއް ނުބުނި ނަމަވެސް އެނގިފައިވާ ގޮތުގައި އެއްބަސްވުން ބާތިލުކުރީ އަގުކުޑަކޮށް ދޭން ކޮންޓްރެކްޓަރާ ދެކެވުނު ވާހަކަތަކެއް ކޮޅެއްގައި ނުޖެހުމުންނެވެ.
އަރަބިއްޔާ ސްކޫލްގެ އާ އިމާރާތުގެ ކޮންޓްރެކްޓަަކީ އަމީން ކޮންސްޓްރަކްޝަނެވެ. ކޮންޓްރެކްޓަ ފައިނޭންސް އުސޫލުން އެ ކުންފުންޏާ ސްކޫލް އާ އާ އިމާރާތް ހަވާލުކުރީ 168.5 މިލިއަން ރުފިޔާއަށެވެ. އަދި މަސައްކަތް ހަވާލުކުރީ ކުރީގެ ސަރުކާރުގައި ސެޕްޓެމްބަރު 29، 2022 ގަ އެވެ.
ކުރިން ކުނިކޮށީގެ ގޮތުގައި ބޭނުން ކުރި 381 ނަމްބަރު ކޮށީގައި .ދިހަ ބުރިއަށް އިމާރާތް ކުރާ އަރަބިއްޔާ ސްކޫލަކީ 42 ކްލޫސް ރޫމާ އެކީ އެންމެ ޒަމާނީ ފެންވަރަށް، ހުރިހާ ވަސީލަތްތައް އެކުލެވޭ ގޮތަށް އިމާރާތްކުރާ ސްކޫލެއް ކަމަށް މިނިސްޓްރީން ބުނެފައިވެ އެވެ.
އެގޮތުން އެތަނުގައި ސައިންސް ލެބާއި ލެބޯޓްރީތަކާއި މަލްޓިޕާޕަސް ހޯލާއި ކުދިން ކުޅޭނެ ޓާފް ދަނޑެއް ވެސް އޮންނާނެ އެވެ.
އަރަބިއްޔާ ސްކޫލްގެ އާ އިމާރާތުގެ މަސައްކަތް ފެށި ވާހަކަ އެޑިއުކޭޝަނުން މިނިސްޓްރީން އިއުލާންކުރީ މި އަހަރުގެ ފެބްރުއަރީ 24 ގަ އެވެ.