އަންނަ ރަމަޟާން މަހަށް މިސްކިތްތައް މަރާމާތުކޮށް އާބާތުރަ ފިލުވުމަށް ހިތަދޫ ޖަމިއްޔާއެއް ކަމަށްވާ ޒިކްރާ ފައުންޑޭޝަނުން އެދިގެން ޒިކްރާ މިސްކިތް މަރާމާތުގެ މަސައްކަތް އެމްއެންޑީއެފް ސަދަން އޭރިއާގެ ސިފައިން ކޮށްދީފިއެވެ.
ޒިކްރާ ފައުންޑޭޝަނުން ހިތަދޫގެ ތިން މިސްކިތެއް ރަމަޟާން މަހަށް އާބާތުރަ ފިލުވަމުން އަންނަ އިރު ސިފައިންނާއި، ފުލުހުންގެ އެއްބާރލުން ދޭނެ ކަމަށް އެދެ މުވައްސަސާއިން ވަނީ ޔަޤީން ކޮށްދީފައެވެ.
އެގޮތުން އިއްޔެ ހިތަދޫ މަސްޖިދުއް ތަގްވާގެ ކުލަ ލުމުގެ މަސައްކަތް ސިފައިން ވަނީ ކުރިއަށްގެން ގޮސްފައެވެ. ސިފައިން މިސްކިތުގެ ކުލަލަމުން ދިޔައިރު މަސައްކަތް ކުރިއަށްދާ ގޮތް ބެލުމަށް އައްޑޫގެ މޭޔަރ އަބްދުﷲ ސޯދިގް އާއި ސަދަން އޭރިއާ ކޮމާންޑް ކާނަލް އަބްދުއް ރަހީމް ވަނީ އެސަރަހައްދަށް ވަޑައިގެންފައެވެ.
އެހެން އަހަރުތަކާއި އެއްގޮތަށް މިސްކިތްތައް މަރާމާތު ކުރުމަށް އާއްމު ރައްޔިތުންނާއި، ވިޔަފާރިވެރިންގެ އެހީ ލިބެމުން އަންނަ ކަމަށް ކައުންސިލުން ބުންޏެވެ.
ކައުންސިލުން ބުނީ އަމިއްލަ ޖަމިއްޔާތަކުން މިސްކިތް މަރާމާތު ކުރުމަށް ކުރަމުން އަންނަ މަސައްކަތަށް ކައުންސިލުން އެއްބާރުލުން ދޭނެ ކަމަށެވެ.