ކުޑަކުދިންނަށް ނަމާދު ކުރަން ދަސްކޮށް ދޭން ހާއްސަކޮށްގެން އަންނަ މަހު އައްޑޫ މަރަދޫފޭދޫގައި ނަމާދު ވޯކްޝޮޕެއް ބާއްވަން ނިންމައިފި އެވެ.
މަރަދޫފޭދޫ އަވަށު އޮފީހާއި ފޭދޫ ޖަމިއްޔާއެއް ކަމަށްވާ މިޝްކާތު ފައުންޑޭޝަން ގުޅިގެން ބާއްވާ މި ވޯކްޝޮޕް ކުރިއަށް ގެންދަން ހަމަޖެހިފައި ވަނީ 7-12 އަހަރާ ދެމެދުގެ ފިރިހެން ކުދިންނަށް ހާއްސަކޮށްގެން އަންނަ މަހުގެ 4 އާއި 5 ގަ އެވެ. އެހެންވެ ބައިވެރިވުމުގެ ފުރުސަތު މިހާރު އޮތީ ހުޅުވާލައިފަ އެވެ.
ނަމާދު ވޯކްޝޮޕްގެ ސެޝަންތައް ނަންގަވައި ދެއްވާނީ އައްޑޫގެ ތިން ޝެއިހެއް ކަމަށްވާ އަހުމަދު ރިމާޒާއި މޫސާ އައްޔޫބްގެ އިތުރުން މިހުސަން މުހައްމަދެވެ.
ނަމާދު ވޯކްޝޮޕް ކުރިއަށް ގެންދާނީ މަރަދޫފޭދޫ މަސްޖިދު ނޫރުގަ އެވެ.