ރާއްޖޭގެ ޑައިވިން ގަވައިދު މި ޒަމާނަށް ފެތޭ އެއްޗަކަށް ހަދަން ނިންމައިފި އެވެ.
މިކަން ހާމަކުރައްވައި މިދިޔަ ހުކުރު ދުވަހުގެ ރޭ ފުވައްމުލަކުގައި ބޭއްވި އެ ސިޓީގެ ޓޫރިޒަމް އެވޯޑްސް ހަފުލާގައި ޓޫރިޒަމް މިނިސްޓަރު އިބްރާހީމް ފައިސަލް ވިދާޅުވީ ގަވާއިދަށް ގެންނަން ޖެހޭ ބަދަލުތައް ގެނައުމަކީ މުހިންމު ކަމެއް ކަމަށެވެ. އަދި އެ މަސައްކަތް ކުރިއަށް ގެންދާނީ ޑައިވިން އިންޑަސްޓްރީގައި މަސައްކަތްކުރާ ފަރާތްތަކުގެ ލަފަޔާއި މަޝްވަރާގެ މަތިން ކަމަށް ވިދާޅުވި އެވެ.
"ފަތުރުވެރިކަން ކުރިއެރުވުމަށްޓަކައި ކަމާގުޅޭ ޖަމްޢިއްޔާތަކާ ގުޅިގެން ގިނަ މަސައްކަތްތަކެއް ދަނީ ކުރަމުން،" ފައިސަލް ވިދާޅުވި އެވެ. "ބައިނަލްއަގްވާމީ ފެންވަރުގައި ރާއްޖެ އިޝްތިހާރު ކުރުމާއި އާ މާކެޓްތައް ހޯދުމުގެ މަސައްކަތް ވެސް ދަނީ ކުރިއަށް."
މިނިސްޓަރު ވިދާޅުވި ގޮތުގައި ޑައިވިން ގަވައިދާށް ގެންނަ އިސްލާހުތަކުގެ މަގްސަދަކީ ޑައިވިން ގަވާއިދު ޒަމާނީ ކުރުމާއެކު، އަވަސް އަވަހަށް ބަދަލުކުރަން ނުޖެހޭ ފަދަ ދެމެހެއްޓެނިވި ގޮތަކަށް ގަވައިދު އެކުލަވާލުން ކަމެށެވެ.
ރާއްޖޭގައި މިހާރު އަމަލު ކުރަމުން އަންނަ ޑައިވިން ގަވާއިދާ އަކީ މީގެ 33 އަހަރު ކުރިން 1991 ވަނަ އަހަރު އެކުލަވާލި ގަވާއިދާކެވެ.
ރާއްޖޭގެ އިގުތިސާދު ޓޫރިޒަމަށް ބިނާވެފައިވާ އިރު، ޑައިވިން އަށް ވެސް ރާއްޖެ އަށް ޓޫރިސްޓުންގެ މެދުގައި ވަރަށް މަގުބޫލު ގައުމެކެވެ. އެގޮތުން ރާއްޖޭގެ އެކި ހިސާބުތަކުގައި ފާހަގަކޮށްލެވޭ ޑައިވިން ސްޕޮޓްތަކެއް ހުރި، ރާއްޖޭގައި އަންނަނީ ގިނަ އަދަދެއްގެ ޑައިވިން ސެންޓަރުތައް ވެސް ހިންގަމުންނެވެ.