ދެކުނުގެ މަޝްހޫރުޕޮޕް ބޭންޑެއް ކަމަށްވާ "ބީޓީއެސް" އަށް ނިސްބަތްވާ ރެޕާ، ސުގާ މަސްތުވެގެން އިނދެ ދުއްވި މައްސަލައެއްގައި 15 މިލިއަން ވޮން (11،500 ޑޮލަރު) އިން ޖޫރިމަނާކޮށްފި އެވެ.
މިޑީއާތަކުން ބުނީ 31 އަހަރުުގެ ފަންނާނު މިދިޔަ ހުކުރު ދުވަހު ޖޫރިމަނާކުރީ ސޯލްގައި ހުންނަ އޭނަގެ ގެ ހުންނަ ހިސާބުގަނޑުގައި ދުއްވަމުން ދިޔަ އީ-ސްކޫޓަރާ އެކީ ވެއްޓުމާ ގުޅިގެން، ފުލުހުން ސީނަށް އެޓެންޑްވި އިރު، ސުގާ މަސްތުވެގެން ހުރި ކަމަށް ޝައްކު ކުރެވިގެން ޓެސްޓްކުރި އިިރު ޕޮޒިޓިވްވުމާ ގުޅިގެން ކަމަށެވެ.
އެ ހާދިސާއާ ގުޅިގެން ސުގާގެ ލައިސަންސް ވެސް ވަނީ ވަގުތީ ގޮތުން ކެންސަލްކޮށްފަ އެވެ.
މަސްތުވެގެން އިނދެ ދުއްވި މައްސަލައިގައި ފާޑުކިޔުންތަކެއް އަމާޒުވެ، ބޭންޑުން އިސްތިއުފާ ދޭން ބައެއް ފަރާތްތަކުން ގޮވާލުމާ ގުޅިގެން އޭނަ މައާފަށް އެދިފައިވެ އެވެ. އަދި އެ ހާދިސާގައި ސަބަބުން އެއްވެސް މިހަކަށް ގެއްލުމެއް ނުވާ ކަމަށާއި ނަމަވެސް ކުރިއަށް އޮތް ތަނުގަ އެފަދަ ކަންކަމަށް ވަރަށް ބޮޑަށް ފަރުވާތެރި ވާނެ ކަމަށް ބުނެފައިވެ އެވެ.
ސުގާ އަކީ ދެކުނު ކޮރެއާގެ އަސްކަރިއްޔާގައި ސޯޝަލް ސާވިސް އޭޖެންޓެއްގެ ގޮތުގައި މަސައްކަތް ކުރަމުން އަންނަ މީހެކެވެ. "ބީޓީއެސް" އާ 2013 ގައި ގުޅުނު ފަންނާނުގެ އަސްލު ނަމަކީ މިން ޔޫން-ގީ އެވެ.
ސުގާގެ ފުރަތަމަ ސްޓޫޑިއޯ އަލްބަމަކީ މިދިޔަ އަހަރު ނެރުނު "ޑީ-ޑޭ" އެވެ.