އައްޑޫ ގަމާއި ސްރީ ލަންކާގެ ކޮލޮމްބޯއާ ދެމެދު ސްރީ ލަންކަން އެއާލައިންސުން ބާއްވަމުން އަންނަ ދަތުރުތައް ތިނެކަށް އިތުރު ކުރާނީ އަންނަ ނޮވެމްބަރު މަހުގެ 14 އިން ފެށިގެން ކަމަށް އެ އެއާލައިނުން ބުނެފި އެވެ.
ލަންކާގެ ގައުމީ އެއާލައިިންސްގެ ރާއްޖޭގެ އޭޖެންޓަކީ އޭސް ޓްރެވެލްސް އެވެ.
އެ ކުންފުނިން ބުނެފައިވާ ގޮތުގައި ގަމަށް ހަފުތާއަކު ކުރާ ދަތުރުތައް ތިނެކަށް އިތުރު ކުރަން ނިންމީ ކުރިއަށް އޮތް ޓޫރިޒަމް ޕީކް ސިޒަނާ ދިމާކޮށެވެ. އެގޮތުން ނޮވެމްބަރު 14 އިން ފެށިގެން ގަމަށް ހަފުތާ އަކު ތިން ދަތުރު އަޅާ ގޮތަށް ހަމަޖެހިގެންދާ އިރު، ގަމާއި ކޫއްޑޫ ވެސް ރާއްޖޭގެ ގައުމީ އެއާލައިން، މޯލްޑިވިއަން މެދުވެރިކޮށް ގުޅުވައި ލެވޭނެ އެވެ.
އެހެންވެ އެ ބަދަލާ އަކީ ދެކުނުގެ ޓޫރިސްޓް ފެލިސިޓީތަކަށް އަންނަ ޓޫރިސްޓުންނަށް ވަރަށް ބޮޑު ފަސޭހައެއް ލިބިގެން ދާނެ އެވެ.
ސްރީ ލަންކަން އެއާލައިންސް އިން ނޮވެމްބަރު 14 އިން ފެށިގެމް ގަމަށް ހަފުތާއަކު ތިން ފްލައިޓް ބާއްވާ އިރު، އެ ދަތުރުތައް ކުރާނީ ހޮނިހިރާއި އަންގާރައިގެ އިތުރުން ބުރާސްފަތީގަ އެވެ.
އެ އެއާލައިންސަކީ މި ވަގުތު ގަން އިންޓަނޭޝަނަލް އެއާޕޯޓަށް ޝެޑިއުލް ދަތުރުތައް ބާއްވާ ހަމައެކަނި ބޭރުގެ އެއާލައިނެވެ. ސްރީ ލަންކަންގެ ދަތުރުތައް ގަމަށް ފެށީ 2016 ގަ އެވެ.