ކިރުވާފައިވާ މަހަށް މަސްވެރިންނަށް ދޭން ޖެހޭ ހުރިހާ ފައިސާއެއް މިހާރު ހަލާސްކޮށް ނިންމާފައިވާ ކަމަށް މިފްކޯ އިން ބުނެފި އެވެ.
ސަރުކާރުގެ މަސް ކުންފުނިން މަސްވެރިިންނަށް ދޭން ޖެހިފައި އޮތް 17.3 މިލިޔަން ރުފިޔާ މިހާރު ދޫކޮށްފައި ނިމިފައިވާ ކަމަށެވެ. އެ ފައިސާ މަސްވެރިންނަށް ޖަމާކޮށް ދޭން ފެށީ އިއްޔެ އެވެ. އެ ފައިސާ އަކީ މިދިޔަ މަހުގެ 24 އިން މި މަހުގެ 26 ވަނަ ގެ ނިޔަލަށް މިފްކޯއަށް ކިރުވާފައިވާ މަހަށް މަސްވެރިންނަށް ދޭން ޖެހޭ ފައިސާ އެވެ.
މި ސަރުކާރު ވެރިކަމާ ހަވާލުވި ފަހުން އެތައް ފަހަރެއްގެ މަތިން މަސްވެރިންނަސް ފައިސާ ދޫކޮށްފައިވެ އެވެ. ނަމަވެސް ފައިޒާ ލިބުން ލަސްވެގެން ދާދ ފަހުން މަސްވެރިންތަކެއް ރާއްޖޭގެ ބައެއް ހިސާބުތަކުގައި މުޒާހަރާކޮށްފައިވެ އެވެ.
ސަރުކާރުން ބުނެފައިވާ ގޮތުގައި މަސްވެރިންނަށް މިހާތަނަށް ބިލިޔަނަކަށް ވުރެ ގިނަ ފައިސާ ދޫކޮށްފައި ވާނެ އެވެ.