ރާއްޖެ އާއި ސައުދީ އަރަބިއްޔާއާ ދެމެދު ވިޔަފާރި އާއި އިގްތިސާދީ ދާއިރާ އިން ގުޅުން ބަދަހިކުރުމާ ގުޅޭ އެއްބަސްވުމެއްގައި ސޮއިކޮށްފި އެވެ.
މި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ އިކޮނޮމިކް މިނިސްޓަރު މުހައްމަދު ސައީދެވެ. ސައުދީ ސަރުކާރުގެ ފަރާތުން ސޮއިކުރެއްވީ މިނިސްޓާ އޮފް ކޮމާސް، މަޖީދު ބިން އަބްދުالله ބިން އުސްމާން އަލްޤަޞާބީ އެވެ.
މިނިސްޓަރު ސައީދު "އެކްސް"ގައި ކުރެއްވި ޕޯސްޓެއްގައި ވިދާޅުވީ ދެ ގައުމުގެ މެދުގައި ވިޔަފާރީގެ ދާއިރާ އާއި އިންވެސްޓްމަންޓްގެ ދާއިރާ އިން ގުޅުން ބަދަހިކުރުމާ ގުޅޭގޮތުން އުފެއްދުންތެރި މަޝްވަރާތަކެއް ސައުދީގެ ކޮމާސް މިނިސްޓަރާއި އެކު ކުރެވުނު ކަމަށެވެ.
Productive discussions with H.E. Dr. @malkassabi, Minister of Commerce of Saudi Arabia. Exchanged views on enhancing trade and investment cooperation between our two countries. We also signed an MoU on deepening trade between ties 🇸🇦🇲🇻 @KSAembassyMV @MoEDmv pic.twitter.com/OqLj7NmaUW
— Mohamed Saeed (@em_saeed) September 30, 2024
ސައުދީ އަކީ ރާއްޖޭގެ ތަރައްގީގައި މުހިއްމު ދައުރެއް އަދާކުރާ ގައުމެކެވެ. އެގޮތުން ސައުދީ ފަންޑުން ދާދިފަހުން ވަނީ ވެލާނާ އިންޓަނޭޝަނަލް އެއާޕޯޓް ތަރައްގީ ކުރުމަށާއި ރާއްޖޭގެ ސިއްހީ ދާއިރާ ތަރައްގީ ކުރުމަށް ރާއްޖެ އަށް 150 މިލިއަން ޑޮލަރުގެ ލޯނެއް ދީފަ އެވެ.