ގެންގުޅުނު ބަޑިއަކުން ފަޔަށް ވަޒަނެއް އަރައި ބޮލީވުޑްގެ މަޝްހޫރު ފިލްމީ ތަރި ގޯވިންދާ ހޮސްޕިޓަލްގައި އެޑްމިޓްކޮށް ފަރުވާ ދެމުން އަންނަ ކަމަށް ރިޕޯޓްތައް ބުނެފި އެވެ.
މީޑިއާތަކުން ބުނީ މިއަދުގެ ވަރަށް ފަތިހުގެ ވަގުތެއްގައި މުމްބާއީގެ ޕްރައިިވެޓް ހޮސްޕިޓަލެއްގައި 60 އަހަރުގެ އެކްޓަރު އެޑްމިޓްކުރީ އޭނަގެ އަތުގައި ހުއްދައާ އެކީ ގެންގުޅޭ ބަޑިއެއް ސާފުކުރުމުގެ ތެރޭގައި އެ ބަޑިން ވަޒަނެއް ޖެހި، ޒަހަމްވެގެން ކަމަށެވެ. އެ ހާދިސާއާ ގުޅިގެން ގޯވިންދާ އެޑްމިޓްކުރީ ފަތިހު 5:15 އެހާކަށްހާ އިރު ކަމަށް ވެސް މީޑިއާތަކުން ބުންޏެވެ.
މިކަން އޭނަގެ މެނޭޖަރު ޝަަޝީ ސިންހާ ވެސް މީޑިއާތަކަށް ކަށްޥަރުކޮށް ދީފައިވެ އެވެ. އޭނަ ބުނީ އެ ހާދިސާ ހިނގީ ގޯވިންދާ ބަޑި ސާފު ކުރުމަށްޓަކައި އެ ނަގައިގެން އުޅުމުގެ ތެރޭފައި އެ އަޅާފައި އޮތް ފޮށިން ބަޑި ވެއްޓި، ވަޒަނެއް ދޫވެ، ފަޔަށް އެ އަމާޒުވެގެން ކަމަށެވެ.
ޝަޝީ ބުނި ގޮތުގައި ވަޒަން މިހާރު ނަގާފައިވާ އިރު، ގޯވިންދާގެ ހާލު ރަނގަޅެވެ. އޭނަ ބުނި ގޮތުގައި މިކަން ގޯވިންދާ އަށް މިއަދު ކަލްކަތާ އަށް ވެސް ދާން ހަމަޖެހިފައި އޮއްވައި ކަމަށެވެ.
ގޯވިންދާ އަކީ 90 ގެ ތެރޭގައި ބޮލީވުޑްގައި އެންމެ ވިދި އެއް އެކްޓަރެކެވެ. ކޮމެޑީ ރޯލުތަކާއ ނެށުމަށް މޮޅު އެކްޓަރުގެ ކެރިއަރުގައި ކާމިޔާބު އެތައް ފިލްމެއް ކުޅެފައިވެ އެވެ.