މަތީ ތައުލީމު ފޯރުކޮށްދޭ ސެންޓަރުތަކެއްގެ 210 ޕްރޮގްރާމެއް މިހާތަނަށް އެކްރެޑިޓްކޮށްފައިވާ ކަމަށް މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ބުނެފި އެވެ.
އެތަނުން އަންނަނީ މަތީ ތައުލީމް ދޭ މަރުކަޒުތަކުން ކުރިޔަށް ގެންދިއުމަށް ހުށައަޅާ މަތީ ތައުލީމްގެ ޕްރޮގްރާމްތަށް އެމްއެންކިއުއެފް (މޯލްޑިވްސް ކޮލިފިކޭޝަން ފްރޭމްވޯކް) އަށް ފެތޭތޯ ބަލައި އެކްރެޑިޓް ކުރަމުންނެވެ. އެގޮތުން މިދިޔަ އަހަރުގެ އޮގަސްޓް މަހުގެ ނިޔަލަށް މަތި ތައުލީމް ފޯރުކޮށްދޭ މަރިކަޒުތަކުން 227 ޕްރޮގްރާމެއް އެކްރެޑިޓް ކުރުމަށް ހުށަހެޅި އެވެ. އަދި އޭގެ ތެރެއިން 210 ޕްރޮގްރާމެއް ވަނީ އެކްރެޑިޓްކޮށްފަ އެވެ.
ބަކީ ހުރި 17 ޕްރޮގްރާމްގެ މަސައްކަތްތައް އަންނަނީ ކުރަމުން ކަމަށް އެމްކިއުއޭ އިން ބުންޏެވެ.
ރާއްޖޭގެ މަތީ ތައުލީމިގެ ފެންވަރު ރަގަޅުކޮށް، ރާއްޖޭގެ ޔުނިވަސިޓީތަކަކީ ބޭރުގެ ދަރިވަރުން އައިސް ތައުލީމް އުގެނޭނެ ފެންވަރުގެ ތަންތަނަށް ހެދުމަކީ މި ސަރުކާރުގެ އަމާޒެކެވެ. އެހެންވެ ރާއްޖޭގައި މަތީ ތައުލީމްިގެ ފެންވަރު ރަގަޅުކުރުމަށް ކުރެވެން ހުރި މަސައްކަތްތައް ހަޔަ އެޑިއުކޭޝަން މިނިސްޓްރީން އަންނަނީ ކުރަމުންނެވެ.