ހޮންޑާ މޯލްޑިވްސް ނުވަތަ ޝީޝާގެ "މެގަ ބޭޝް 2024" ޕްރޮމޯޝަންގެ މުއްދަތު އިތުރުކޮށްފި އެވެ.
އެ ކުންފުނިން މިދިޔަ ޖޫން މަހުގެ 15 ގައި ފެށި ޕްރޮމޯޝަން މިހާރު މި މަހުގެ 15 އާ ހަމައަށް ކުރިއަށް ގެންދާނެ އެވެ.
މުއްދަތު އިތުރުކުރީ ޕްރޮޕޯޝަނަށް އޮތް ޑިމާންޑް ބޮޑުވުމުންނެވެ. ހޮންޑާ މޯލްޑިވްސް އިން ބުނިި ގޮތުގައި ޕްރޮމޯޝަންގެ މުއްދަތު އިތުރުކުރި އަނެއް ސަބަބަކީ ޝިޕްމަންޓް ޑިލޭވެގެން ވެއިޓް ލިސްޓްފައި ތިބި ކަސްޓަމަރުންނަށް ޕްރޮމޯޝަންގެ ތެރެއިން ސައިކަލް ނެގުމުގެ ފުރުސަތު ދިނުމުގެ ގޮތުން ކަމަށެވެ.
ޕްރޮމޯޝަންގެ މުއްދަތު ދަންމައިލި އިރި، ހުރިހާ ސައިކަލްތަކެއްގެ ސްޓޮކް ވެސް ލިބެން ހުރި ކަމަސް ހޮންޑާ މޯލްޑިވްސް އިން ބުންޏެވެ. އަދި މި ޕްރޮމޯޝަންގެ ތެރޭގައި 2025 ގެ އެއާބްލޭޑްތައް ވެސް ހިމެނެ އެވެ.
މި ޕްރޮމޯޝަންގެ ދަށުން ރާއްޖޭގެ ހޮންޑާއިން މިހާރު ބާޒާރުގައި ވިއްކަމުންދާ ހުރިހާ މޮޑެލްއެއްގެ ސައިކަލުން ޑިސްކައުންޓް ލިބޭނެ އެވެ. އަދި ބައެއް މޮޑެލްތަކުގެ ސައިކަލްތަކަށް ކަސްޓަމަރުންގެ މެދުގައި މިހާރު އެންމެ މަޤްބޫލް ޒީރޯ ފައިނޭންސް ޕެކޭޖުގެ ތެރެއިން ނެގޭނެ އެވެ.
ދިވެހިންގެ މެދުގައި މަގުބޫލު ހޮންޑާ ބްރޭންޑްގެ ސައިކަލްތައް ވިއްކަން ރާއްޖޭގެ އެކި ސަރަހައްދުތަކުގައި ހޮންޑާ މޯލްޑިވްސްގެ އައުޓްލެޓްތައް ހިންގަ އެވެ. އޭގެ ތެރޭގައި މާލެ، ހުޅުމާލެ، އައްޑޫ، ފުވައްމުލައް، ލ. ގަން، ގއ. ވިލިނގިލި އަދި ކުޅުދުއްފުށި ހިމެނެ އެވެ.