އެމެރިކާގެ ކުރީގެ ރައީސް ޖިމީ ކާޓާ އަށް މިއަދު 100 އަހަރު ފުރިއްޖެ އެވެ.
އޭނަ އަކީ އެމެރިކާގެ ރައީސްކަން ކުރެއްވި ބޭފުޅުންގެ ތެރެއިން މި ވަގުތު ދުނިޔޭގައި ހުންނެވި އެންމެ ދުވަސްވީ ބޭފުޅާ އެވެ. އަދި ކާޓާ އަކީ އެމެރިކާގެ ރައީސްކަން ކުރެއްވި ބޭފުޅުންގެ ތެރެއިން ދުނިޔޭގައި ހުންނަވިކޮށް 100 އަހަރު ފުރުނު ހަމައެކަނި ރައީސް ވެެސް މެ އެވެ.
ޑިމޮކްރެޓިކް ޕާޓީ އަށް ނިސްބަތްވާ ކާޓާ އަކީ އެމެރިކާގެ 39 ވަނަ ރައީސެވެ. އޭނަ ރައީސްކަން ކުރެއްވީ ޖެނުއަރީ 20، 1977 އިން ޖެނުއަރީ 20، 1981 އަށެވެ.
މިއަދު ކާޓާ އަށް 100 އަހަރު ފުރުނު އިރު، އޭނަގެ ސިއްހީ ހާލަތު ވަރަށް ބޮޑަށް ދަށްވެފައިވާތީ ފާއިތުވި 19 މަސް ދުވަހު ގެންދެވީ ފަރުވާ ހޯއްދެވުމުގަ އެވެ.