މާލޭގެ ސްކޫލަކަށް ވަދެ ޓީޗަރުންނަށް ބިރު ދެއްކި މީހާ ދޫކޮށްލައިފި އެވެ.
އެ މައްސަލައިގައި ހައްޔަރުކުރީ މއ. ކަނޑޫގޭ އަލީ އަހުމަދެވެ. އޭނަ އިއްޔެ ދޫކޮށްލީ ފުލުހުންގެ ބެލުމުގެ ދަށުގައި ހުންނަތާ ދެ މަހެއްހާ ދުވަސް ފަހުންނެވެ.
އަދި އަލީ އަހުމަދު ދޫކޮށްލި އިރު އޭނަގެ މައްޗަށް ދައުވާކުރުމަށް ޕީޖީ އޮފީހަށް ފޮނުވާފައިވެ އެވެ.
އޭނަ އިއްޔެ ދޫކޮށްލީ ބަންދު މުއްދަތު ކުރިން އެކި ފަހަރު މަތިން އިތުރުކުރަމުން ދިޔުމަށް ފަހު އަލުން ބަންދާ މެދު ގޮތެއް ނިންމަން ކްރިމިނަލް ކޯޓަށް ހާޒިރު ކުރުމުން އެ ކޯޓުން އެކަމަށް އިއުތިރާޒް ކުރުމުންނެވެ.
އަލީ އަހުމަދަކީ މީގެ ކުރިން ވެސް ކުށުގެ ރެކޯޑްތައް އޮންނަ މީހެކެވެ. ކޯޓްގެ ރިޕޯޓްތަކުން އެނގޭ ގޮތުގައި އޭނަ އަކީ 2020 ގައި ރާއްޖެއަށް 72 ކިލޯގެ މަސްތުވާތަކެތި އެތެރެކުރި މައްސަލައިގައި ދައުލަތުން ދައުވާ އުފުލި މީހުންގެ ތެރޭގައި ވެސް ހިމެނުނު މީހެކެވެ.
އެ ފަހަރު އޭނާގެ މައްޗަށް ޑައިމޯފިން ޓްރެފިކް ކުރުމުގެ ކުށުގެ ދައުވާ އުފުލި އެވެ.