ރާއްޖޭގެ މިނިވަން ކަމަށް 50 އަހަރު ފުރުން ފާހަގަ ކުރަން މި އަހަރު ކުރިއަށް ގެންދާ “މިނިވަން 50″ ގެ ހަރަކާތުގައި ކުރިއަށް ގެންދަން ނިންމާފައިވާ ސްކައި ޑައިވިން ހަރަކާތަށް ތައްޔާރުވުމުގެ ގޮތުން އައްޑޫގައި ކުރިއަށް ގެންދިޔަ ޓްރޭނިންގް ބުރު ނިންމާލައިފި އެވެ.
މެލޭޝިއާގެ ތަޖުރިބާކާރުންތަކެއްގެ އެހީގައި މިދިޔަ ހޮނިހިރު ދުވަހު ފެށި ޓްރޭނިން ނިންމި ބައިވެރިންނަށް މެލޭޝިއާގެ ޓްރޭނިން ޓީމްގެ ފަރާތުން ވަނީ ސެޓްފިކެޓް ވެސް ދީފަ އެވެ. ޓްރޭނިން ހެދި މީހުންގެ ތެރޭގައި ހިމެނެނީ ފުލުހުންނާއި ސިފައިންނެވެ.
ގަން އެއާޕޯޓްގައި ކުރައަށް ގެންދިޔަ މި ޓްރެއިނިން އަށް އައްޑޫ އިންޓަނެޝަނަލް އެއާޕޯޓް ކޮމްޕެނީ (އޭއައިއޭ)، ގަމުގައި ހުންނަ ފްލައިން ސްކޫލް އޭޝިއަން އެކަޑެމީ އޮފް އެއޮރޮނިޓްކްސް (އޭއޭއޭ) ގެ އިތުރުން ގައުމީ އެއާލައިން މޯލްޑިވިއަނުން އެހީތެރިކަން ފޯރުކޮށް ދީފައިވެ އެވެ.
އައްޑޫގައި ޓްރެއިނިން ކުރިއަށް ގެންދިޔަ ނަމަވެސް ސްކައި ޑައިވިން ރަސްމީ އިވެންޓް ބާއްވާނީ މާލޭގައެވެ.