އިރާނުން ރޭ އިޒްރޭލަށް ރޭ ދިން ހަމަލާއާ ގުޅިގެން އެކަން ކުށްވެރި ކުރައްވައި އދ. ގެ ސެކްރެޓަރީ ޖެނެރަލް އެންޓޯނިއޯ ގުޓަރެސް އެއްވެސް ވާހަކަ ދައްކަވާފައި ނުވާ ކަމަށް ބުނެ އޭނަ އިޒްރޭލަށް އެރުން އެ ގައުމުން މަނާކޮށްފި އެވެ.
ފަލަސްތީނާއި ލުބްނާނާ ދެކޮޅަށް މިހާރު ހަނގުރާމަ ކުރަމުންދާ ޔަހޫދީ ދައުލަތުގެ ފޮރިން މިނިސްޓަރު އިޒްރޭލް ކަޒް މިއަދު ބުނީ ގުޓަޓޭޒަކީ ވަކި ކޮޅަށް ޖެހިހިފައި ހުންނެވި، އިޒްރޭލާ ދެކޮޅު ބޭފުޅެއް ކަމަށެވެ. އަދި އޭނަ އަކީ ޓެރަރިސްޓުންގެ ދިފާއުގައި ހުންނެވި ބޭފުޅެއް ކަމަށް ވެސް އިޒްރޭލުގެ ފޮރިން މިނިސްޓަރު ބުންޏެވެ.
އެހެންވެ އިޒްރޭރަށް ދެން ގުޓަރޭޒް އެރިނުޔެނުދޭނެ ކަމަށް މިނިސްޓަރު ބުންޏެވެ.
އިރާނުން އިޒްރޭލަށް ދިން ވަރުގަދަ ހަމަލާއާ ގުޅިގެން ގުޓަރޭޒް ސޯޝަލް މީޑިއާ ޕޯސްޓެއްގައި މެދުއިރުމައްޗަށް ހަމަޖެހުމާއި އަމާންލަން ވަރަށް މުހިއްމު ކަމަށާއި ބަދަލު ކުރަމުން އަންނަ ހަމަލާތައް މިހާރުން މިހާރަށް ހުއްޓާލައި، ސުލްހައިގެ މަގު އިސްކުރަން ޖެހޭ ކަމަށް ޖެހޭ ކަމަށް ވިދާޅުވި އެވެ.
އިރާނުން ރޭ ވަނީ އިޒްރޭލުގެ މެދުތެރޭގެ ހިސާބުތަކަށް އަމާޒުކޮށް 200 އަށް ވުރެ ގިނަ ވައިގެ ހަމަލާ ފޮނުވައިފަ އެވެ. މިއީ ހަމާސް ޖަމާއަތުގެ ވެރިޔާ އިސްމާއިލް ހަނިއްޔާ އާއި ލުބްނާނުގެ ހިޒްބުﷲ ޖަމާއަތުގެ ލީޑަރު ހަސަން ނަސްރުﷲ ދާދި ފަހުން އަވަހާރަކޮށްލުމުގެ ބަދަލެއްގެ ގޮތުން ދިން ހަމަލާއެއް ކަމަށް އިރާނުން ބުންޏެވެ.