ސްރީލަންކާގައި ހުރި އެކިއެކި ކޯސްތަކާއި ސްކޯލާޝިޕްތަކާ ގުޅޭ މައުލޫމާތު އެއް ތަނަކުން ފޯރުކޮށް ދިނުމަށް ބާއްވާ “ސްރީލަންކަން އެޑިއުކޭޝަން ފެއާ” އެއް މިއަދު ހެނދުނު 10:00 އިން ހަވީރު 5:00 އަށް ސ.ހިތަދޫ ޝަރަފުއްދީން ސްކޫލްގައި ކުރިއަށް ގެންދާ ގޮތަށް ހަމަޖެހިފައިވާ ކަމަށް ފެއާ އިންތިޒާމްކުރާ ފަރާތުން މައުލޫމާތު ދެއްވައިފިއެވެ.
މި ފެއާ އިންތިޒާމްކުރުމުގައި އިސްކޮށް ހަރަކާތްތެރިވާ އޮފިޝަލަކު ވިދާޅުވި ގޮތުގައި ސްރީލަންކާގެ އެތައް ޓީޗަރުންނެއް ރާއްޖޭގައި ހަރަކާތްތެރިވާ މި ފެއާގެ ސަބަބުން ރާއްޖޭގެ ދަރިވަރުންނަށް ލަންކާގައި މަތީ ތައުލީމު އުނގެނުމުގެ ހުރި ފުރުސަތު ތައް އެނގިގެންދާނެ ކަމަށެވެ.
ސްރީލަންކަން އެޑިއުކޭޝަން ފެއާ ރަސްމީކޮށް ހުޅުވާފައިވަނީ މިމަހުގެ 7 ވަނަ ދުވަހު ނެޝަނަލް އާޓްގެލަރީގައެވެ.
މި ފެއާގައި ބައިވެރިވާ ފަރާތްތަކުގެ މެދުގައި ނެގޭ ގުރުއަތުން ހޮވޭ ފަރާތަކަށް ސްރީލަންކަން އެއަރލައިނުން ލަންކާއަށް އެއްކޮޅު ޓިކެޓް ދޭ ގޮތަށް ވެސްވަނީ ހަމަޖެހިފަ އެވެ.