މާލޭގައި ރޭ ހިނގި އެކްސިޑެންޓެއްގައި ބޮލަށް ގެއްލުންތަކެއް ލިބުނު އަންހެނަކަށް އައިޖީއެމްއެޗްގައި ފަރުވާ ދެމުން އަންނަ ކަމަށް ފުލުހުން ބުނެފި އެވެ.
ރޭ 10:00 ޖަހައި ބޮޑުވި ފަހުން ދެ ސައިކަލު ޖެހިގެން މި އެކްސިޑެންޓް ހިނގާފައި ވަނީ ސިނަމާލެ ބްރިޖުން ފައިބައިގެން ކޮއިމަލާ ހިނގުމަށް އެޅި ސައިކަލަކާއި ބޮޑުތަކުރުފާނު މަގުން ބްރިޖާ ވީކޮޅަށް ދުއްވާފައި ދިޔަ ސައިކަލެއް ޖެހިގެން ކަމަށް ފުލުހުން ބުންޏެވެ
މި އެކްސިޑެންޓްގައި އެއް ސައިކަލުގެ ފަހަތުގައި އިން އަންހެން މީހާ ވިއްސައިގެން ގޮސް ވެއްޓި އޭނާގެ ބޮލަށް އަނިޔާވި ކަމަށް ފުލުހުން ބުންޏެވެ.
މި ހާދިސާ މިހާރު އިތުރަށް ތަހުގީގު ކުރަމުން އަންނަ އިރު، މި ފަހަކަށް އައިސް މާލެ އާއި ހުޅުމާލޭގައި އެކްސިޑެންޓްތައް ވަރަށް ބޮޑަށް އިތުރުވެފައިވެ އެވެ. އަދި މިދިޔަ މަހުގެ ތެރޭގައި އެކްސިޑެންޓްތަކެއްގައި ދެ ޒުވާނަކު މަރުވެފައިވެ އެވެ.