ވަޒީފާއާ ބެހޭ ޓްރައިބިއުނަލް އަލަށް އިތުރުވި އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޝަނަށް މެމްބަރުން އައްޔަންކޮށްފި އެވެ.
އެތަނަށް މެންބަރުން އައްޔަންކުރި އިރު، އިންޑަސްޓްރިއަލް ރިލޭޝަންސްއާ ގުޅޭ ބިލު ރައީސް ޑރ. މުހައްމަދު މުއިއްޒު ތަސްދީގު ކުރެއްވީ ޖެނުއަރީ 2 ގަ އެވެ.
ބިލު ގާނޫނަކަށްވެ އަމަލުކުރަން ފަށާތާ ތިން މަސް ދުވަހުގެ ތެރޭގައި 8 މެންބަރުންގެ މައްޗަށް އެކުލެވޭ "ޓްރައިޕަޓައިޓް އެޑްވައިޒަރީ ބޯޑު" ގެ ނަމުގައި ބޯޑެއް އުފައްދަން ޖެހޭނެ ކަަމަށް ބުނެފައިވެ އެވެ. އަދި "އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޒަޝަން" ގެ ވަކި ޑިވިޝަނެއް ވަޒީފާއާ ބެހޭ ޓްރައިބިއުނަލްގައި އުފެއްދުމަށް ވެސް ބިލުގައި ކަނޑައަޅާފައިވެ އެވެ.
ހަޔަ އެޑިޔުކޭޝަން މިނިސްޓްރީން ބުނީ އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޝަނަށް މިހާރު 11 މެންބަރަކު އައްޔަނުކޮށްފައިވާ ކަމަށެވެ.
އައްޔަންކުރި މެމްބަރުންނަކީ:
* މ. ވޭންކޫވަ، މާލެ، އަލްއުސްތާޛާ ފާތިމަތު ސައުސަން (ވަޒީފާއާބެހޭ ޓްރައިބިއުނަލްގެ މެމްބަރު)
* ހ. މީނާޒް، މާލެ، ފަޒުލޫން ހަމީދު (މަސައްކަތްތެރިން)
* މާވިނަ، ކ. ކާށިދޫ، މަރިޔަމް އިނާޝާ (މަސައްކަތްތެރިން)
* އިވްނިންގް ފްލާވަ، ސ.ހަތަދޫ، އާއިޝަތު މަހާރަތު (މަސައްކަތްތެރިން)
* ރެޑްހައުސް، ސ. މީދޫ، އަހްމަދު ޝިހާމް (މަސައްކަތްތެރިން)
* އަނބުމާގެ، ގއ. ދާންދޫ، އާއިޝަތު އަލީ (މަސައްކަތްތެރިން)
* ހުޅުމާލެ ހިޔާ 06-22-6، މާލެ، އާތިފް އަބްދުލްހަކީމް (މަސައްކަތްތެރިން)
* މއ. ސެނެކާ، ކ. މާލެ، ފާތިމަތު ޖޫނީ ލަތީފް (ވަޒީފާދޭ ފަރާތްތައް)
* މ. ވާރޭވިލާ، މާލެ، އަސްއަދު އަލީ (ވަޒީފާދޭ ފަރާތްތައް)
* މާދަޑު، ވިކްޓަރީ، ޏ. ފުވައްމުލަށް، އިޔާޒް ވަހީދު (ވަޒީފާދޭ ފަރާތްތައް)
* މ. ޕާލް ގްރީން، މާލެ، އާމިނަތު މިރްފަތް އަހްމަދު (ވަޒީފާދޭ ފަރާތްތައް)
އިންޑަސްޓްރިއަލް ރިލޭޝަންސްއާ ގުޅޭ ގާނޫނުގައި ގާނޫނުއަސާސީގެ ދަށުން ލިބިދޭ މަސައްކަތްތެރިންގެ ޖަމިއްޔާތައް އުފެއްދުމާއި އެފަދަ ޖަމިއްޔާތަކުން ހިންގާ ހަރަކާތްތަކުގައި ބައިވެރިވުމާއި ނުވުމުގެ ހައްގު ކުރިއަރުވައި އެ ހައްގުތައް ކަށަވަރުކޮށް ދިނުމުގެ ގޮތުން ކުރާނެ ކަންކަން ބަޔާންކޮށްފައިވެ އެވެ.