ރާއްޖޭގެ ޓޫރިޒަމް ސިނާއަށް ކާމިޔާބުކަމާއެކު ދެމެހެއްޓުމަށްޓަކައި ސުލަހްވެރި ދިވެހި ގޮތްތައް ހިފެހެއްޓުން މުހިންމު ކަމަށާއި މި ދާއިރާގެ ބިންގަލަކީ އެކުވެރިކަމާއި ރައްކާތެރިކަން ކަމަށް ރައީސް ޑރ. މުޙައްމަދު މުއިއްޒު ވިދާޅުވެއްޖެ އެވެ.
މިއަދު ފާހަގަކުރާ ގައުމީ ފަތުރުވެރިކަމުގެ ދުވަހާ ގުޅިގެން ރައީސް ސޯޝަލް މީޑިއާ ޕޯސްޓެއްގައި ވިދާޅުވީ މި ދާއިރާގެ ބިންގަލަކީ މިތުރުވެރިކަން ކަމަށެވެ.
— Dr Mohamed Muizzu (@MMuizzu) October 3, 2024
ރާއްޖެ އަށް ޓޫރިޒަމް ތައާރަފުވީ 1972 ގަ އެވެ. މިހާރު ރާއްޖެ ފާހަގަކުރެވެނީ ދުނިޔޭގައި ޓޫރިޒަމްގެ އެންމެ މަގުބޫލު އެއް މަންޒިލުގެ ގޮތުގަ އެވެ. ރާއްޖޭގެ އިގުތިސާދު ޓޫރިމަށް ބަރޯސާވެފައިވާ އިރު، ރާއްޖޭގައި 175 ރިސޯޓާއި 901 ގެސްޓްހައުސް/ހޮޓާ ގެ އިތުރުން 152 ސަފާރީ އޮޕަރޭޓް ކުރެ އެވެ.
ޓޫރިޒަމަށް ރާއްޖެ ބިނާވެފައި އޮންނާތީ މި ގައުމަކީ ބޭރުގެ ވަރަށް ގިނަ އެއާލައިންތަކުން ދަތުރުތައް ވެސް ބާއްވަމުން އަންނަ ގައުމެކެވެ. ރާއްޖޭގެ ޓޫރިޒަމް ސިނާއަތުގައި ގިނަ އަދަދެއްގެ ދިވެހިންނާއި ބިދޭސީން ވެސް މަސައްކަތް ކުރެ އެވެ.
ރާއްޖޭގައި ގައުމީ ފަތުރުވެރިކަމުގެ ދުވަސް ފާހަގަކުރަން ފެށީ 2021 އިން ފެށިގެންނެވެ.