ބޮލީވުޑްގެ ކާމިޔާބު "ހައުސްފުލް" ފްރެންޗައިޒްގެ ފަސް ވަނަ ފިލްމުގެ ޝޫޓިން ބޮޑު ކާސްޓަކާ އެކީ ފަަށައިފި އެވެ.
މި ފިލްމުގެ ކާސްޓާއި ކްރޫ މިދިޔަ މަހުން ފެށިގެން އިނގިރޭސިވިލާތުގައިި ހަރަކާތްތެރިވަމުން އަންނަ އިރު، މިހާރު ވަނީ ފިލްމުގެ ވަަށް ބޮޑު ބައިގެ މަންޒަރުތައް ނަގާ ކްރޫޒް ޝިޕްގެ މަސައްކަތް ފަށައިފި އެވެ. މި ޝެޑިއުލް 45 ވަރަކަށް ދުވަހަށް ދެމިގެން ދާނެ އެވެ.
ކްރޫޒްޝިޕްގެ ދަފުރުގެ ޝޫޓިން ލަންޑަނާއި ޕެރިހާއި ސްޕެއިންގައި ވެސް ނަގާނެ އެވެ.
ކުރީގެ ހަތަރު ބައިގެ ލީޑް ކާސްޓްގައި ވެސް ހިމެނޭ އަކްޝޭ ކުމާރާއި ރިތޭޝް ދޭޝްމުކާ އެކީ "ހައުސްފުލް 5" އިން މި ފަހަރު ފެންނާނެ ތަރިންގެ ތެރޭގައި ޖެކްލީން ފެނާންޑޭޒް، ފަރުދީން ޚާން، ނަރްގިސް ފަޚްރީ، ސަންޖޭ ދަތު، ޑީނޯ މޯރިއާ، ޗިތުރަންގަދާ ސިންގް، ޖެކީ ޝްރޮފް، ޝްރެޔަސް ތަލްޕަޅޭ، ސޯނަމް ބަޖްވާ، ޗަންކީ ޕާންޑޭ، އަބީޝެކް ބައްޗަން، ޖޯނީ ލީވާ އަދި ރަންޖީތުގެ އިތުރުން ވެސް އިތުރު ފަންނާނުންތަކެއް ހިމެނެ އެވެ.
މީގެ ތެރެއިން ބައެއް ތަރިންނަކީ "ހައުސްފުލް" ފްރެންޗައިޒްގެ ކުރީގެ ބައެއް ބައިތަކުގައި ވެސް ރޯލުތަކެއް ކުޅެފައިވާ މީހުންނެވެ.
ސާޖިދު ނަދިއަދުވާލާ ޕްރޮޑިއުސްކޮށް، އަންނަ އަހަރުގެ ޖޫން 6 ގައި ސިނަމާތަކަށް ގެންނަން ހަމަޖެހިފައިވާ "ހައުސްފުލް 5" ގެ ޑައިރެކްޓަރަކީ "ދޯސްތާނާ" އާއި "ޑްރައިވް" ގެނެސްދިން ތަރޫން މަންސުކާނީ އެވެ.