ލ. ފޮނަދޫ އިންޖީނުގެއަށް އިތުރު ކުރާ ބައިގެ މަސައްކަތުގެ ބޮޑު ބައި ނިމައިފައިވާ ކަމަށް ފެނަކަ އިން ބުނެފި އެބެ.
އެ ކުންފުނިން ބުނީ އިންޖީނުގޭގެ ޖާގަ އިތުރު ކުރުމުގެ މަސައްކަތުގެ 92 ޕަސެންޓް ނިމިވައިވާ ކަމަށެވެ.
މިއީ، ކަރަންޓުގެ ޚިދުމަތުގެ ފެންވަރު ރަނގަޅު ކުރުމަށާއި ދެމެހެއްޓެނިވި ގޮތަކަށް ޚިދުމަތް ދިނުމަށްޓަކައި ބޭނުންވާނެ ޖާގަ އިތުރުކުރުމަށް ކުރިއަށް ގެންދާ މަޝްރޫޢެކެވެ. މި މަސައްކަތް ފުރިހަމަވުމުން، 1.2 މެގަވޯޓުގެ ދެ ޖެންސެޓް ބެހެއްޓޭނެ ޖާގަ ފޮނަދޫ އިންޖީނުގޭގައި ހުންނާނެ އެވެ.
އޭޕްރީލް މަހުގެ ތެރޭގައި ފެނަކައިން އިން-ހައުސްކޮށް ކުރިއަށް ގެންދާ މި މަޝްރޫޢުގެ ބޮޑެތި މަސައްކަތްތައް ނިމިފައިވާ އިރު، އިތުރު ކުރެވޭ ބައިގެ ފުރާޅާއި ތަޅުމުގެ މަސައްކަތް ނިމި، ކަވަރިން ވެސް މިހާރު ވަނީ އެއްކޮށް ނިމިފައިވާ ކަމަށް ފެނަކަ އިން ބުންޏެބެ. އަދި އެވެ. ބާކީ ހުރީ ބައެއް މަސައްކަތްތައް ކުރިއަށް އޮތް ދެ ހަފުތާއެއްހާ ދުވަސް ތެރޭގައި ނިންމައިލެވޭނެ އެވެ.
ފެނަކަ އިން ބުނީ ފޮނަދުއަކީ، ޢުމްރާނީ މަސައްކަތްތަކާއި ވިޔަފާރީގެ ޙަރަކާތްތައް ފުޅާވަމުން އަންނަ ރަށަކަންވާތީ ކަރަންޓުގެ ކެޕޭސިޓި އިތުރުވުމަކީ، އެ ރަށަށް ވަރަށް ބޮޑަށް ބޭނުންވެފައި އޮތް ކަމެއް ކަމަށެވެ.