މިދިޔަ މަހުގެ މާފުށި ޖަލުގައި ދަންޖެހިގެން މަރުވި އަބްދުލް ޣަނީ އިސްމާއީލްގެ ހަށިގަނޑު ޕޯސްޓްމޯޓަމަށް ފަހު ވަޅުލައިފި އެވެ.
މާލެ، ގ. އެއްތެޔޮމާގޭ އުމުރުން 62 ޢަނީ ޖަލުގައި ދަންޖެހުނީ މިދިޔަ މަހުގެ 24 ގަ އެވެ. އޭނަގެ ޕޯސްޓްމޯޓަމް ހެދީ އިންޑިއާ އަށް ފޮނުވައިގެންނެވެ. ޕޯސްޓްމޯޓަމަށް ބޭރަށް ފޮނުވީ މިދިޔަ މަހުގެ 28 ގަ އެވެ.
ޢަނީ ދަންޖެހިގެން މަރުވި އިރު އޭނަ އަކީ ކުޑަކުއްޖަކާ ބެހުނު މައްސަލައެއްގައި ޝަރީއަތް ނިމެންދެން ބަންދުކޮށްފައި ހުރި މީހެކެވެ. 15 އަހަރުގެ ކުޑަކުއްޖަކަށް ޖިންސީ ގޯނާ ކުރި މައްސަލައެއްގަ އެވެ.
ފުލުހުން ބުނީ ޕޯސްޓްމޯޓަމްގެ ނަތީޖާ އަދި ނުލިބޭ ކަމަށާއި އެ ލިބުމުން ޢަނީ މަރުވި ސީދާ ސަބަބު ސާފުކޮށް ދޭނެ ކަމަށެވެ.