ފޮރިން މިނިސްޓަރު ޑރ. އަބްދުﷲ ހަލީލު ޗައިނާ އިން ރާއްޖެ އަށް ކަނޑައަޅުއްވާފައި ހުންނަވާ ސަފީރު، ވާންގް ލިޒިންއާ މިއަދު ބައްދަލު ކުރައްވައިފި އެވެ.
މިއީ ފޮރިން މިނިސްޓަރު ކަމަށް ހަލީލު އައްޔަން ކުރެއްވުމާ ގުޅިގެން ބޭއްވި ބައްދަލުވުމެކެވެ. ހަލީލު މީގެކުރިން ހުންނެވީ ހެލްތު މިނިސްޓަރުގެ މަގާމުގަ އެވެ. ފޮރިން މިނިސްޓަރުގެ މަގާމުގައި ކުރިން ހުންނެވި މޫސާ ޒަމީރު މިހާރު ވަނީ ފިނޭންސް މިނިސްޓަރު ކަމަށް އައްޔަންކުރައްވާފަ އެވެ.
ހަލީލް ވަނީ ރާއްޖެ އާއި ޗައިނާއާ ދެމެދު އޮތް ގުޅުން އިތުރަށް ބަދަހިކުރަން ސަފީރާއެކު މަސައްކަތް ކުރައްވާނެ ކަމަށް ވިދާޅުވެފަ އެވެ.
Always a pleasure to meet Ambassador Wang @China_Amb_Mdv.
Thank you, Ambassador, for the good wishes. I look forward to working with you to further enhance the #Maldives–#China partnership. pic.twitter.com/rlddM0A2KS
— Abdulla Khaleel (@abkhaleel) October 3, 2024
ފޮރިން މިނިސްޓަރުކަމާ ހަވާލުވެވަޑައިގެންނެވުމަށް ފަހު ހަލީލު އެންމެ ފުރަތަމަ ބައްދަލުކުރެއްވީ އިންޑިއާ ސަފީރު މުނޫ މަހާވަރާ އެވެ. އެ ބައްދަލުވުމުގައި ދެ ގައުމުގެ ދެމެދުގައި އޮތް ގާތް ގުޅުމާއި އަދި އާ ދާއިރާތަކުން ދެ ގައުމު ގުޅުން ބަދަހިކުރުމާ ގުޅޭގޮތުން ވަނީ މަޝްވަރާކޮށްފަ އެވެ.