އައްޑޫގެ އަންހެނުންގެ ތަރައްގީ އަށް މަސައްކަތް ކުރާ ކޮމިޓީން އިންތިޒާމުކޮށްގެން ބާއްވާ "އަފިރިންގެ އެކްސްޕޯ" މިއަދު ހަވީރު ފަށައިފި އެވެ.
ހިތަދޫ ނޫރާނީ ސްކޫލްގައި މި އެކްސްޕޯ ފެށީ މިއަދު ހަވީރު 4:00 ގަ އެވެ. އެކްސްޕޯ ކުރިއަށް ދާނީ މި މަހުގެ 5 އާ ހަމައަށެވެ.
"އަފިރިންގެ އެކްސްޕޯ" ގައި އައްޑޫގެ ވަރަށް ގިނަ މަސައްކަތްތެރިންގެ މަސައްކަތްތަކާއި އުފެއްދުންތައް ބައިވެރިކޮށްފައިވެ އެވެ. އަދި މިއީ އެތައް ބައެއްގެ މަސައްކަތްތަކާއް އުފެއްދުންތައް އެއް ތާކުން ދައްކާލައި، އުފެއްދުންތަކަށް މާކެޓެއް ހޯދައި ދޭން އިންތިޒާމުުރި އެކްސްޕޯއެކެވެ.
އެކްސްޕޯ އިން ތަކެތި ގަތުމުގެ ފުރުސަތު އޮންނާނެ އެވެ. އަންހެނުންގެ ކޮމިޓީން ވަނީ ވީހާ ވެސް ގިނަ ބަޔަކު މި އެކްސްޕޯ އަށް ކުރިއަށްދާ މުއްދަތުގެ ތެރޭގައި ޒިޔާރަތްކުރަން އެދިފަ އެވެ.