އާލިއާ ބަޓާއި ޝަރްވާރީ ވާގް ލީޑް ރޯލު ކުޅޭ ޔާޝްރާޖް ފިލްމްސް (ވައިއާރްއެފް) ގެ ސްޕައި ޔުނިވާސްގެ "އަލްފާ" ރިލީޒްކުރާ ތާރީހު މިއަދު އިއުލާންކޮށްފި އެވެ.
ދެ ބަތަލާއިން ވަރުގަދަ އެކްޝަން ރޯލުތަކަކުން ފެންނާނެ ފިލްމު ސިނަމާތަކަށް ގެންނަން ނިންމީ އަންނަ އަހަރުގެ ޑިސެމްބަރު މަހުގެ 25 ގަ އެވެ. "އަލްފާ" ރަސްމީކޮށް އިއުލާންކޮށް އޭގެ ޝޫޓިން ފެށީ މިދިޔަ ޖުލައި މަހުގެ ތެރޭގަ އެވެ.
މި ފިލްމަކީ ބޮލީވުޑް އެންމެ ބޮޑު ޕްރޮޑަކްޝަން ހައުސް، ވައިއާރްއެފަށް އާލިއާ ކުޅޭ ފުރަތަމަ ފިލްމެވެ. ދާދި ފަހުން ރިލީޒްކުރި "މުންޖިއާ" އާއި "ވޭދާ" ގެ ބަތަލާ ޝަރްވާތީ ބޮލީވުޑަށް ނުކުތީ ވައިއާރްއެފްގެ 2021 ގެ "ބަންޓީ އޯރް ބަބްލީ 2" އިންނެވެ.
ކާސްޓްގައި ބޮބީ ޑިއޯލް އާއި އަނިލް ކަޕޫރް ވެސް ހިމެނޭ "އަލްފާ" ގެ ޑައިރެކްޓަރަކީ މިދިޔަ އަހަރުގެ ފަަހުކޮޅު ވައިއާރްއެފުން ގެނެސްދިން ވެބް ސީރީޒް "ރެއިލްވޭ މެން" ގެ ޑައިރެކްޓަރު ޝިވް ރަވައިލް އެވެ.
"އަލްފާ" ގެ ހާއްސަ ފެނިލުމެއްގައި ރިތިކް ރޯޝަން ވެސް ހިމެނޭނެ އެވެ. ރިތިކް ފިލްމުގައި ފެންނާނީ ސްޕައި ޔުނިވާސް އަށް ނިސްބަބަތްވާ އޭނަގެ ފިލްމު "ވޯ" ފްރެންޗައިޒްގައި ކުޅޭ މޭޖާ ކަބީރު ދަލިވާލްގެ ކެރެކްޓާއަކުންނެވެ. އެއީ ރޯ އޭޖެންޓެކެވެ. ރިތިކް މިހާރު އަންނަ އަހަރު ރިލީޒް ކުރަން ހަމަޖެހިފައިވާ "ވޯ 2" ގެ މަސައްކަތް ކުރަމުންނެވެ.
ވައިއާރްއެފްގެ ސްޕައި ޔުނިވާސް އަށް ދެން ނިސްބަތްބާ ފިލްމުތަކަކީ ސަލްމާން ޚާންގެ "ޓައިގާ" ފްރެންޗައިޒާއި ޝާހްރުކް ޚާންގެ "ޕަތާން" އެވެ.
ނެޝަނަލް އެވޯޑް ހޯދާފައިވާ ބަތަލާ އަދި މަޝްހޫރު އެކްޓަރު ރަންބީރްގެ އަންހެނުން އާއިލާގެ ކުރިއަށް އޮތް ފިލްމަކީ ކި މަހުގެ 11 ގައި ރިލީޒްކުރާ "ޖިގްރާ" އެވެ.