އިންޑިއާގެ މަޝްހޫރު ދީނީ އިލްމުވެރިޔާ ޝެއިހް ނިސާރް ޔޫސިފް ނަދިއަދްވާލާ އަންނަ ހޮނިހިރު ދުވަހު އައްޑޫގައި ދީނީ ދަރުސެއް ދެއްވާ ގޮތަށް ހަމަޖެހިއްޖެ އެވެ.
އިސްލާމިކް ފައުންޑޭޝަން އޮފް ދަ މޯލްޑިވްސް އާއި އައްޑޫ ސިޓީ ކައުންސިލް ގުޅިގެން ބާއްވާ މި ދަރުސް އޮންނާނީ ހޮނިހިރު ދުވަހުގެ ރޭ ހިތަދޫ ޝަރަފުއްދީން ސްކޫލްގަ އެވެ. ދަރުސް ފަަށާނީ 8:45 ގަ އެވެ.
“އިސްލާމް ދީނުގައި ރިޒުގުގެ މަހުފޫމް”، މި މައުޟޫއަށް ޝެއިޚް ނިސާރް ދެއްވާ މިދަރުސް އަޑުއެހުމަށް ހިތަދޫއަށް އައުމަށް ބޭނުންވާ އައްޑޫގެ ގުޅިފައިވާ އެހެން އަވަށްތަކުގެ ރައްޔިތުންނަށް ފަހިކޮށް ދިނުމުގެ ގޮތުން ބަސް ދަތުރު ހަމަޖެހިފައިވާ ކަމަށް ވެސް އައްޑޫ ސިޓީ ކައުންސިލުން މައުލޫމާތުދެއެވެ.
އެގޮތުން ފޭދޫ، މަރަދޫފޭދޫ އަދި މަަރަދޫން ދަރުސް އަޑު އަހަން ދާން ބޭނުންވާ ފަރާތްތަކުން ހޮނިހިރު ދުވަހުގެ ރޭ އެ އަވަށެއްގެ ބޮޑު މަގަށް 8:00 ގައި ނިކުތުމަށް ކައުންސިލުން އެދެ އެވެ.
ނިސާރު ނާޑިއަޑްވާލާ އަކީ ޕީސް ޓީވީ އާއި ޑރ. ޒާއިކް ނައިކްގެ އިސްލާމިކް ރިސާޗް ފައުންޑޭޝަންގެ ރިސާޗް ޑިޕާޓްމަންޓުގެ ހެޑްގެ މަޤާމް ފުރުއްވާފައިވާ ބޭފުޅެކެވެ.