ރާއްޖޭގެ އެންމެ ދެކުނުގެ އަތޮޅުތަކަށް މިއަދު ނެރުނު ޔެލޯ އެލާޓް މިހާރު ވައިޓް އެލާޓަށް ބަދަލުކޮށްފި އެވެ.
މޫސުމާ ބެހޭ އިދާރާ އިން އެ އެލާޓް ނެރެފައި ވަނީ ގއ. އަތޮޅުން ފެށިގެން އައްޑުއާ ހަމައަށް މިއަދު އިރުއޮއްސި 6:30 އާ ހަމަައަށެވެ. އެގޮތުން އެ ވަގުތުގެ ތެރޭގައި ބޯކޮށް ވާރޭ ވެހުމާ އެކީ ގުގުރައި، ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށް ލަފާކޮށްފައިވެ އެވެ.
ދެކުނުގެ ހަތަރު އަތޮޅަށް އެންމެ ފަހުން ނެރުނު ޔެލޯ އެލާޓްގެ ވަގުތު ހަމަވީ މެންދުރު 12:30 އެވެ.
ދެކުނުގެ އަތޮޅުތަކަށް މިހާރު ކުރަމުން އަންނަ ވިއްސާރައިގައި އައްޑޫގެ އެކި އަވަށްތަކުގެ ބައއް ހިސާބުތަކުގައި ފެންބޮޑުވި އެވެ.