އެމެރިކާގެ ޓްރެވެލް މެގަޒިންއެއް ކަމަށްވާ މަޝްހޫރު ކޮންޑެ ނާސްޓް ޓެރެވެލާއިން ހޮވި އެންމެ ހިތްހެޔޮ މީހުން އުޅޭ ގައުމުތަކުގެ ހަތަރު ވަނަ ރާއްޖެ އަށް ލިބިއްޖެ އެވެ.
އެ މަޖައްލާ އިން އެކުލަވާލި މި ލިސްޓަކީ މި އަހަރުގެ ކިޔުންތެރިންގެ ޗޮއިސް އެވޯޑްގެ ބައެއްގެ ގޮތުގައި ހިމެނި ލިސްޓެކެވެ. ލިސްޓުގައި ވަނަތައް ހޮވާފައު ވަނީ އެކި ގައުމުތަކަށް ދަތުރުކުރާ ކިޔުންތެރިން، އެ މީހުން ޗުއްޓީ ހޭދަ ކުރި ގައުމުތަކުގެ ތެރެއިން އެންމެ ރަނގަޅު މެހެމާންދާރީއެއް ލިބުނު ގައުމުތައް ބަލައިގެންނެވެ.
އެގޮތުން ރާއްޖެ އަަށް ލިސްޓްގެ ހަތަރު ވަނަ އިން ޖާގަ ލިބުނީ 93.50 މާކްސްއާ އެކީގަ އެެވެ. ރާއްޖެ އަކީ ދުނިޔޭގައި އެންމެ ނަގާކިޔާ އެއް ގައުމެވެ. އަދި ދިވެހިންނަކީ މެހުމާންދާރި އަދާކުރުމުގައި އަބަދު ވެސް ނަމޫނާ ބައެކެވެ.
ކޮންޑޭ ނާސްޓް އިން ހޮވި އެންމެ ހިތްހެޔޮ ގައުމުތަކުހެ ގަދަ ތިނެކަށް ބަލާ އިރު، ލިސްޓްގެ އެއްވަނަ ހޯދީ ކޮސްޓަރިކާ އެވެ. އެއީ 96.15 މާކްސްއާ އެކީގަ އެވެ. ދެވަނަ ނިއު ޒީލެންޑަށް ލިބުނު އިރު، ތިންވަނަ އަކީ ތައިލޭންޑެވެ.