ފްލައިޓް ޑިލޭވުމުން ޕައިލެޓް ބެހީ ޕިއްޒާ!

ޔުނައިނެޓް އެއާލައިންސްގެ ބޯޓެއް ދަތުރަކަށް ނުކުތް ފަހުން މެޑިކަލް އިމަޖެންސީއެއް ދިމާވެގެން ބޯޓް ނިއު މެކްސިކޯ އަށް ލޭންޑްކޮށް ފުރުން ގަޑިއިރުތަކަށް ޑިލޭވުމާ ގުޅިގެން އެ ބޯޓްގެ ޕައިލެޓް ހުރިހާ ޕެސެންޖަތުންނަށް ޕިއްޒާ ކާން ދިނުމުން ތައުރީފު އޮހިއްޖެ އެވެ.

މިދިޔަ މަހުގެ 13 ވަނަ ދުވަހުގެ މި ހާދިސާގެ ވާހަކަ ބޯޓުން ދަތުރުކުރި ބައެއް މީހުން އެ މީހުންގެ ސޯޝަލް މީޑިއާ ޕްލެޓްފޯމްތަކުގައި ވެސް ފޮޓޯތަކާއި ވީޑިއޯތަކާ އެކީ ހިއްސާކޮށްފައިވެ އެވެ.

އޭގެ ތެރޭގައި ހިމެނޭ ޓާނިއާ ސްޓަމޯސް ޓިކްޓޮކް ހިއްސާކޮށްފައިވާ ޕޯސްޓެއްްގައި ބުނީ އެ ދަތުރަކީ އެމެރިކާ ސެން ފްރަންސިސްކޯ އިން ހިއުސްޓަން އަށް ކުރަން އޮތް ދަތުރެއް ކަމަށެވެ. ނަމަވެސް ދަތުރު ފެށިތަނާހެން ބޯޓް ނިއު މެކްސިކޯ އަށް ޑައިވާޓް ކުރަން ޖެހުނޫ މެޑިކަލް އިމަޖެންސީއެއް ދިމާވެގެން ކަމަށް ބުންޏެވެ.

މިކަމާ ހެދި ބޯޓުން ދަތުރުކުރި މީހުންނަށް އެ ދުވަހު ހަވީރު 4:00 އިން ފެށިގެން ރޭގަނޑު 11:00 އަށް އަށް މަޑުކުރަން ޖެހި، ވަރަށް ބޮޑު މާޔޫސް ކަމެއް ލިބުނެވެ. ނަމެވެސް އެ މާޔޫސްކަން ފިލައި ހުރިހާ ދަތުރުވެރިންގެ މޫނުނައްޗަށް އުފާވެރިން ގެނުވައި ދިނީ ޕައިލެޓް ހުރިހާ ޕަސެންޖަތުންނަށްވާ ވަރަށް ޕިއްޒާ އަށް އޯޑަރުކޮށް، ޕިއްޒާ ކާން ދިން ދައުވަތާ ގުޅިގެންނެވެ.

"މިކަމާ ގުޅިގެން އެންމެނަށް ވެސް ވަރަށް ބޮޑު އުފާވެރި ކަމެއް ލިބި، ޝަކުވާތައް ވެސް ފިލައި ދިޔަ." 150 ޕެސެންޖަރުންނަށް ޕައިލެޓް ޕިއްޒާ ބެހި ވާހަކަ ހިއްސާކޮށް ޓާނިއާ ބުންޏެވެ.

@ladyt98tanya #unitedairlines #pilots #great #greatness #greatpilots #christlike #thankyou #california #sanfrancisco #houston ♬ Powerful songs like action movie music – Tansa

އޭނަ ބުނީ މިކަމާ ގުޅިގެން ހުރިހާ ޕެސެންޖަރުން ވެސް ޕައިލެޓަށް ޝުކުރު އަދާކޮށް، ދެއްކި ހިތްހެޔޮކަމާއި ލޯތްތަށް ހިފަހެއްޓުމެއް ނެތް ތައުރީފު ވެސް އޮއްސަމުން ދިޔަ ކަމަށެވެ.

ފަހުން ޔުނައިޓެޑް އެއާލައިނުން ނެރުނު ބަޔާނެއްގައި ޕައިލެޓް ދެއްކި ނަމޫނާ ފާހަގަކޮށް، އަބަދުވެސް ޔުނައިޓްޑެ މުވައްޒަފުންނަކީ ކަސްޓަމަރުން އުފާކޮށް ދޭނެ ބައެއް ކަމަށާއި ޕިއްޒާ ބެހި ޕައިލެޓް ފަދަ މުވައްޒަފުންނާ މެދު ފަހުރުވެރިވާ ކަމަށް ބުނެފައިވެ އެވެ.