ރާއްޖޭގެ މަޝްހޫރު ސިނަމަޓޯގްރާފަރު ހަސަން ހަލީމު (ކޮކޯ) ވެސް ފިލްމެއް ޑައިރެކްޓްކޮށް ގެނެސްދޭން ތައްޔާރުވެއްޖެ އެވެ.
"ދެރިޔާ" އާއި "އަމާނާތް" އަދި "ލަސްވިޔަސް" ފަދަ ފިލްމުތަކުގެ ކެމެރާމަންގެ އަލަތު ފިލްމަކީ އަންނަ މަހުގެ 29 ގައި އޮލިމްޕަހަށް ގެންނަން ނިންމާފައިވާ "ގެއްލުނު ރޭ" އެވެ. ފިލްމުގެ ޕޯސްޓަރާއި ޓްރެއިލާ ވެސް ވެސް މިހާރު ދައްކާލާފައިވާ އިރު، މީގެ ކާސްޓްގައި މުހައްމަދު މަނިކު، އައިމިނަތު ޝުހާ، އިބްރާހީމް ޖިހާދު (ޖިމީ)، މަރިޔަމް ޝިފާ، މަރިޔަމް ހަލީމް އަދި އަލަށް ތައާރަފުކުރާ ކުޑަކުއްޖެއް ކަމަށްވާ ކައުސަރު ހިމެނެ އެވެ.
"ގެއްލުނު ރޭ" އަކީ ކޮކޯގެ ދަރިފުޅު އަދި ލަވަކިޔުންތެރިޔާ އަންދަލާ ހަލީމް ޕްރޮޑިއުސްކޮށް، ރިޝްތާ ކިޔާ މީހެއްގެ ސްކްރީންޕްލޭއަކަށް ހަދާފައިވާ ފިލްމެކެވެ.
ރާއްޖޭގެ އެންމެ ތަޖުރިބާކާރު ސިނަމަޓޯގްރާފަރުންގެ ތެރޭގައި ހިމެނޭ ކޮކޯ އަކީ ކުރީގެ މަޝްހޫރު ލަވަކިޔުންތެރިޔާ އައިޝަތު އިނާޔާގެ ފިރިމީހާ އެވެ. "ގެއްލުނު ރޭ" ލަވަތަކުގެ އަންހެން ވޯކަސްލިސްޓަކީ ވެސް އިނާޔާ އެވެ.
މި ފިލްމު މި މަހުގެ 29 ވަނަ ދުވަހުގެ ރޭ ޕްރީމިއާކުރާ އިރު، މާދަމާ ރޭ އޮލިމްޕަހުގައި ޑާކް ރެއިން އެންޓަޓައިންމަންޓްގެ ހޮރޯ-ކޮމެޑީ "ބިބީ" ޕްރީމިއާކުރާނެ އެވެ.
އޮލިމްޕަހުގައި މިރޭ ޑައިރެކްޓަރު އަމްޖަދު އިބްރާހީމް (އަމްޖޭ) ގެ "އުދަބާނި 2" ގެ ފަހު ޝޯ ދައްކާނެ އެވެ. މި ފިލްމު އެޅުވީ މިދިޔަ މަހުގެ 19 ގަ އެވެ.