އިންޑިއާގެ މަގުބޫލު ރިއަލިޓީ ޝޯ "ބިގް ބޮސް" ގެ 18 ވަނަ ސީޒަން މިރޭ ޕްރީމިއާކުރަން ތައްޔާރުވެއްޖެ އެވެ.
ބޮލީވުޑްގެ މަޝްހޫރު ފިލްމީ ތަރި، ސަލްމާން ޚާން ހޯސްޓްކުރާ ޝޯ މިރޭ ފަށާނީ ރާއްޖެ ގަޑިން 8:30 ގަ އެވެ. "ބިގް ބޮސް 18" މިރޭ ފެށުމަށް ފަހު، މި ޝޯ ގާތްގަނޑަކަށް ތިން މަހެއްހާ ދުވަހަށް ކުރިއަށް ގެންދާނެ އެވެ. "ބިގް ބޮސް" އަކީ ސެލެބްރިޓީންތަކެއް އެއް ގެއެއްގެ ތެރޭގައި ގެންގުޅޭ ޝޯއެކެވެ.
މި ފަހަރުގެ ސީޒަން ވެސް އެކި ދާއިރާތަކުން ފާހަގަކޮށްލެވޭ ސެލެބްރިޓީމްތަކެއް ވާދަކުރެ އެވެ.
އޭގެ ތެރޭގައި ނިއާ ޝަރުމާ، ހެމްލަތާ ޝަރުމާ، ނައިރާ ބެނަޖީ، މުސްކާން ބަންމޭ، ތަންޖިންދަރު ޕަލް ސިންގް ބައްގާ، ރަޖަތު ދަލާލް، ޗަމް ދަރަންގް، އަތުލް ކިޝަން، ކަރަންވީރް މެހެރާ، ޝެހެޒާދާ ދާމީ، ވިވިއަން ޑިސޭނާ، އީޝާ ސިންގް، ޝްރޫތިކާ ރާޖް އަރުޖުން، ޗާހަތު ޕާންޑޭ، ބޮލީވުޑްގެ ކުރީގެ ބަތަލާ ޝިލްޕާ ޝިރޯދްކަރް، ގުނަރަތުނާ ސަދަވަރްތޭ، އަވިނާޝް މިޝްރާ، އެލީސް ކޯޝިކް، ސާރާ އަފްރީން ޚާން އަދި އޭނަގެ ފިރިމީހާ އަރްފީން ޚާން ހިމެނެ އެވެ.
"ބިގް ބޮސް 18" މިރޭ ފަށާ އިރު، މި އަހަރުގެ ކުރީކޮޅު ނިންމާލި މި ޝޯގެ 17 ވަނަ ސީޒަން ކާމިޔާބުކުރީ ސްޓޭންޑަޕް ކޮމީޑިއަން މުނައްވަރު ފާރޫގީ އެވެ.