އިންޑިއާގެ ފޮރިން މިނިސްޓަރަކު ޕާކިސްތާނަށް ވަޑައިނުގަންނަވާތާ 10 ވަރަކަށް އަހަރު ފަހުން މިހާރުގެ ފޮރިން މިނިސްޓަރު ޑރ. ސުބްރަމާނިއަމް ޖައިޝަންކަރު ޕާކިސްތާނަށް ވަޑައިގަންނަވާ ގޮތަށް ހަމަޖެހިއްޖެ އެވެ.
އޭނަގެ މި ދަތުރަކީ މި މަހުގެ 15-16 އަށް ބާއްވާ ޝަންހާއީ ކޯޕަރޭޝަން އޯގަނައިޒޭޝަން (އެސްސީއޯ) ސަމިޓްގައި ބައިވެރިވެވަޑިގަތުމަށް ކުރައްވާ ދަތުރެކެވެ.
އިންޑިއާގެ ސަރުކާގެ އިސްވެރިޔަކު ޕާކިސްތާނަށް ވަޑައިގަންނަވާތީ ދެ ގައުމުގެ މީޑިއާތަކުގެ ސަމާލުކަން ވެސް މިކަމަށް ވަރަށް ބޮޑަށް ލިބިފައިވެ އެވެ.
މިކަމާ ގުޅިގެން ޖައިޝަކްކަރު ވިދާޅުވީ އޭނަ ޕާކިސްތާނަށް ވަޑައިގަންނަވަނީ ދެ ގައުމުގެ މެދުގައި ކުރެވޭ މަޝްވަރާތަކަކަށް ނޫން ކަމަށެވެ. އެހެންވެ މިއީ ބައިލެޓަރަލް ދަތުރެއް ނޫން ކަމަށާއި މިއީ މަލްޓިލެޓަރަލް ދަތުރެއް ކަމަށް ޖަކައިޝަންކަރު ވިދާޅުވި އެވެ.
އިންޑިއާ އާއި ޕާކިސްތާނަކީ ޒަމާންވީ ބޮޑު އަދަވާތްތެރި ކަމެއް އޮންނަ އަވައްޓެރި ދެ ގައުމެވެ. އެ ދެ ގައުމުގެ މެދުގައި މިހާތަނަށް އެތައް ހަނގުރާމައެއްކޮށް، ބޮޑެތި ލޭއޮހުވުންތަކެއް ހިންގާފައިވެ އެވެ.
މި ފަހުން އިންޑިއާ އާއި ޕާސްކިތާނާ ދެމެދު އެންމެ ބޮޑަށް މައްސަލަ ހޫނުވީ 2019 ގަ އެވެ. އެ އަހަރު ޖައްމޫ އާއި ކަޟްމީރު ސަރަހައްދުން އިންޑިއާގެ ބޯޑަރު ސަރަހައްދުގެ ޕުލްވާމާ ޑިސްޓްރިކްޓްގައި އިންޑިއާގެ ސިފައިންތަކަކަށް ޕާކިސްތާނަށް ނިސްބަތްވާ ކަމަަށް ބެލެވޭ ހަތިޔާރު އެޅި ބަޔަކު ދިން ހަމަލާތަކެއްގައި 40 އޮފިސަރަކު މަރާލާފައިވެ އެވެ.
މިކަމާ ގުޅިގެން އިންޑިއާ އާއި ޕާކިސްތާ ދެމެދު އޮތް ވަރަށް ބޮޑު ނުތަނަވަސްކަމެއް އުފެދުމެވެ.