މީގެ ހަތަރު އަހަރު ކުރިން ޔޫޓިއުބުން ތައާރަފުކުރި ޔޫޓިއުބް 'ޝޯޓްސް' އަށް އަޕްލޯޑް ކުރެވޭ ވީޑިއޯގެ ދިގުމިން 3 މިނިޓަށް އިތުރު ކުރަން ނިންމައުފި އެވެ.
ގޫގުލް ގެ ދަށުން ހިންގަމުން އަންނަ ޔޫޓިއުބުން މި ބަދަލު ގެންނަން ނިންމާފައި ވަނީ މި މަހުގެ 15 އިން ފެށިގެންނެވެ. އެ ޕްލެޓްފޯމުން ބުނީ 'ޝޯޓްސް' އަށް ހަދާ ވީޑިއޯތަކުގެ ދިގުމުން 3 މިނިޓަށް އިތިރު ކުރަން ނިންމީ ވަރަށް ގިނަ ކްރިއޭޓަރުންތަކެއްގެ އެދުމުގެ މަތިން ކަމަށެވެ. އަދި މި ބަދަލާ އެކީ ކްރިއޭޓަރުންގެ އުދފެއްދުންތެރިކަން ކުރިއަށް ވުރެ ބޮޑަށް ފެންނާނެ ކަމަށް ގަބޫލުކުރާ ކަމަށް ވެސް ޔޫޓިއުބުން ބުންޏެވެ.
'ޔޫޓިއުބް ޝޯޓްސް' އަށް މިހާރު އަޕްލޯޑް ކުރެވެނީ 60 ސިކުންތު ނުވަތަ އެއް މިނިޓްގެ ވީޑިއޯ އެވެ.
ޔޫޓިއުބުން ބުނީ ވީޑިއޯތަކުގެ ދިގުމިނަށް ގެންނަ ބަދަލާ އެކީ ވީޑިއޯތައް ފަސޭހަ އިން އުފެއްދުމަށްޓަޖައި އާ ޓެމްޕްލޭޓަކެއް ވެސް ގެނެސްދޭނެ އެވެ. އެގޮތުން ރިމިކްސް ބަޓަން މެދުވެރިކޮށް ޓެމްޕްލޭޓްތަކުގެ އޮޕްޝަން ފީޗާ ގެނެސްދޭނެ އެވެ.