ސްކޫލުތަކަށް ދިމާވެފައި އޮތް އެންމެ ބޮޑު އެއް ގޮންޖެހުމަކީ ޕްރައިމަރީ ގްރޭޑްތަކަށް ކިޔަވައިދޭ ޓީޗަރުން މަދުވުން ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެއްޖެ އެވެ.
ދައުލަތުގެ މީޑިއާ، ޕީއެސްއެމަޑް މިނިސްޓަރު ވިދާޅުވީ ދިވެހި އިސްލާމް އަދި ކޭމްބްރިޖްގެ އެކިއެކި މާއްދާތައް ކިޔަވައިދޭ ޓީޗަރުން ވެސް ވަރަށް މަދު ކަމަށެވެ. އެހެންވެ މިހާރު އަންނަނީ ޓީޗަރުން އުފައްދަން ޕްރޮގްރާމެއް ވެސް ހިންގަމުންނެވެ.
"މި ޕްރޮގްރާމަށް ބަލާލާ އިރު ލިބިފައިވާ ދަރިވަރުންގެ ތެރެއިން އެކަށީގެންވާ އަދަދެއް ޕްރައިމަރީ ޓީޗަރުންނަށް ހާއްސަ ކުރެވިއްޖެ ނަމަ ގަބޫލުކުރެވެނީ ކޮންމެވެސް ވަރެއްގެ ހައްލުތަކެއް ލިބިގެންދާނެ ކަމަށް." ޝަފީއު ވިދާޅުވި އެވެ.
މިނިސްޓަރު ވިދާޅުވީ ނޭޝަނަލް އިންސްޓްޓިއުޓް އޮފް އެޑިއުކޭޝަން ހަރުދަނާ ކުރުމުގެ މަސައްކަތް ވެސް މިނިސްޓްރީން މިހާރު ކުރަމުން އަންނަ ކަމަށެވެ. އަދި އެ މަސައްކަތުގެ ތެރެއިން އެތަނުގެ މެންޑޭޓެއް ކަމަށްވާ ޕްރޮފެޝަނަލް ޑިވެލޮޕްމެންޓްގެ ކަންތައްތައް ހަރުދަނާކޮށް، ޓީޗަރުންނަށް ފަހި ފުރުސަތުތަކެއް ހޯދައި ދިނުމުގެ މަސައްކަތް ކުރަމުން އަންނަ ކަމަށް ވެސް ވިދާޅުވި އެވެ.
"މިގޮތަށް ފުރުސަތުތަކެއް ހޯދައިދެވިއްޖެ މަށް ވަނީ ނަމަ ހިދުމަތުގަ ތިބި ޓީޗަރުންނަށް އެބޭފުޅުން ބޭނުންވާ އެކިއެކި ހުނަރުތައް ލިބިގެން ދާނެ،" ޝަފީއު ވިދާޅުވި އެެވެ. "ރަށުގަ ތިއްބަވައިގެން، ސްކޫލަށް ވަޑައިގަންނަވަމުން އަދި އެހެން ތަނަކަށް ދަތުރުނުކޮށް ރަށުގަ ތިއްބަވައިގެން އެކަން ކުރުމުގެ މާހައުލެއް ގާއިމް ކުރުމުގެ މަސައްކަތް އަޅުގަނޑުމެން މި ކުރަނީ."