މިދިޔަ އޮގަސްޠް މަހު ކ. ހުވަފެންފުށި ކައިރީގައި އޮންނަ ފިނޮޅަކަށް ދަތުރު ގޮސް އުޅެނިކޮށް ގެއްލުނު ތަސްލީމް މުހައްމަދު ގެއްލިގެން ހޯދަން އިންޓަޕޯލް ޔެލޯ ނޯޓިސް ނެރެފި އެވެ.
ފުލުހުން މިއަދު ބުނީ އޭނަ ގެއްލުނު މައްސަލައިގެ ޔެލޯ ނޯޓިސް މިދިޔަ މަހުގެ 12 ވަނަ ދުވަހު އިންޓަޕޯލް އިން އާންމުކޮށްފައިވާ ކަމަށެވެ.
މާލެ އަށް ނިސްބަތްވާ ތަސްލީމް، 43، ގެއްލުނު މައްސަލައިގައި ފުލުހުން އަންނަނީ ޖިނާއީ ތަހުގީގެއް ވެސް ހިންގަމުންނެވެ.
މާލެ ސިޓީ ކައުންސިލްގެ މުވައްޒަފެއްގެ ގޮތުގައި މަސައްކަތް ކުރަމުން އައި ތަސްލީމް ހިމެނޭހެން 15 މީހުންގެ ގުރޫޕަކުން ދަތުރު ދިޔައީ އޮގަސްޓް 30 ވަނަ ދުވަހު އެވެ. އަދި އޭނަ ގެއްލުނު މައްސަލައިގައި ތުހުމަތު ކުރެވޭ ކަންތައްތަކެއް ހުރުމާ ގުޅިގެން އެ ޖިނާއީ ތަހުގީގެއް ފެށިކަން ފުލުހުން ހާމަކުރީ މިދިޔަ މަހުގެ 2 ގަ އެވެ.