ރައްޔިތުންގެ މަޖިލީހުގެ މި އަހަރުގެ ތިން ވަނަ ދައުރުގެ ޖަލްސާތައް ފެށުން އަންނަ ހަފުތާ އަށް ފަސްކުރަން މަޖިލީހުގެ ރައީސް އަބްދުއްރަހީމް އަބްދުﷲ ނިންމަވައިފި އެވެ.
މަޖިލީހުގެ ތިންވަނަ ދައުރުގެ ޖަލްސާތައް މާދަމާ ފެށުމަށް ކުރިން އޮތީ ހަމަޖެހިފަ އެވެ. ނަމަވެސް ޖަލްސާތައް ބްރޯޑްކާސްޓްކުރުމަށް ޓަކައި ވީޑިއޯ ރޫމެއް ގާއިމްކުރުމުގެ މަސައްކަތް ކުރިއަށްދާތީ ޖަލްސާތައް ފެށުން އަންނަ ހޯމަ ދުވަހަށް މިހާރު ވަނީ ފަސްކޮށްފަ އެވެ.
މަޖިލީހުގެ ދެވަނަ ދައުރުގެ ޖަލްސާތައް ނިންމާލުމަށްފަހު މެމްބަރުން ޗުއްޓީ އަށް ދިޔައީ މިދިޔަ މަހުގެ 22 ގަ އެވެ. މަޖިލީހުން ޗުއްޓީ އަށް ދިޔައީ ދެވަނަ ދައުރުގައި ހުށަހެޅުނު މަސައްކަތްތަކުގެ ތެރެއިން 82 ޕަސެންޓް މަސައްކަތްތައް ނިންމުމަށްފަހު އެވެ.