ޕާކިސްތާންގެ މަޝްހޫރު އެކްޓަރު ފަވާދު ޚާން ސޮއިކުރި އާ ބޮލީވުޑް ފިލްމުގެ ނަމަކީ "އަބީރް ގުލާލް" ކަމަށް ކަމަށް ރިޕޯޓްތައް ބުނެފި އެވެ.
މީޑިއާތަކުން ބުނީ އެ ނަމަކީ ލަންޑަންގައި މިހާރު ޝޫޓިން ކުރިއަށްދާ މި ފިލްމުގައި ފަވާދުގެ ކުޅޭ ޝެފްގެ ކެރެކްޓާގެން ނަން ކަމަށާއި ފަހަރުގައި ފިލްމުގެ ނަން ބަދަލުވާނެ ކަމަށެވެ. "އަބީރް ގުލާލު" ގެ ޝޫޓިން ކުރިއަށްދާ އިރު، ލަންޑަންގެ ޝެޑިއުލް އަންނަ މަހުގެ 10 އާ ހަމައަށް ކުރިއަށް ދާނެ ކަމަށް ވެސް ފިލްމީ ޚަބަރުތައް ގެނެސްދޭ މީޑިއާތަކުން ބުންޏެވެ.
މި ރޮމޭންޓިކް ކޮމެޑީގެ ލީޑް ބަތަލާ އަކީ ވާނީ ކަޕޫރެވެ. އަދި "އަބީރް ގުލާލް" ގެ ކާސްޓްގައި އިންޑިއާގެ ޓީވީ ރިދީ ޑޮގްރާގެ އިތުރުން މަލައިކާ އަރޯރާ ވެސް ހިމެނޭނެ ކަމަށް ރިޕޯޓްތައް ބުނެ އެވެ.
މިޑް-ޑޭ އިން ބުނި ގޮތުގައި އިނގިރޭސިވިލާތުގައި ބޮޑު ބައި ޝޫޓްކުރާ ފިލްމުގެ މަންޒަރުތަކެއް މުމްބާއީގައި ވެސް ނަގަން ހަމަޖެހިފައިވާ ކަމަށާއި މި ފިލްމަކީ ޕްރޮޑިއުސަރު ވިވެކް ބީ އަގަރްވާލް އާއި ދެވަންގް ދޮލާކިއާގެ އީސްޓްވުޓް ސްޓޫޑިއޯ އިން އުފައްދާ ފިލްމެއް ކަމަށެވެ.
ނަމަވެސް "އަބީރް ގުލާލް" ގެ ޑައިރެކްޓަރަކީ ކާކު ކަމެއް ހާމަކޮށްފައެއް ނުވެ އެވެ.
ފަވާދު ކުރިން ވެސް ބޮލީވުޑްގެ ތިން ފިލްމެއް ކުޅުނެވެ. އެއީ "ހޫބްސޫރަތު" އާއި "ކަޕޫރް އެންޑް ސަންސް" ގެ އިތުރުން "އޭ ދިލް ހެ މުޝްކިލް" އެވެ.